E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Veliaj: Në pension nga Janari 2015, merr më shumë

13 Korrik 2014, 12:57, Ekonomi CNA

Ministri i Mirëqenies Sociale dhe Rinisë Erion Veliaj tha se puna në të zezë nuk mund të vazhdojë më dhe brezi i ri duhet të informohet për reformën e ndërmarrë në pension. Nga qyteti i Bajram Currit ku informoi për reformën e pensioneve, Veliaj theksoi hapjen e vendeve të reja të punës në këtë zonë, që ky vend mos mbetet si ?xhep i vecuar?.

?Puna në të zezë nuk duhet të vazhdojë më dhe secili duhet të deklarojë rrogën e plotë për të pasur një pension më të lartë. Kurse, ata që janë në prag pensioni, kjo reformë i prek shumë pak, madje pensioni i tyre do të pësojë rritje. Është e rëndësishme ta bëjmë biznesin të interesuar për Tropojën, për turizmin dhe për të hapur vende të reja pune. Duhet t?i kthejmë sytë nga kjo zonë që të sigurohemi që ky vend të mos mbetet një xhep i veçuar?, tha Veliaj.

Ai theksoi se me reformën e re të pensioneve të gjithë ata që dalin në pension nga janari 2015 do të marrin një pension më të lartë. Në vijim, ministri Veliaj apeloi për bashkëpunimin e brezit të ri pavarësisht bindjeve politike të secilit, ndërsa shtoi se politika duhet të reflektohet në shërbim të qytetarëve.

Nga ana tjetër, ai vuri theksin në rëndësinë e efiçencës së shërbimeve sociale në qytet dhe për qytetarët në nevojë, si dhe rritjen e investimeve në zonat veriore të Shqipërisë, mbështetjen që mund të japë qeveria e biznesi për projekte në fushën e bujqësisë, turizmit apo infrastrukturë.

Duke folur për arsimin dhe formimin profesional, Veliaj tha se të rinjtë e Bajram Currit apo të Qarkut të Kukësit kanë një mundësi të ndjekin një kurs profesional në Gjakovë ose Prizren, me të cilat MMSR-ja ka lidhur marrëveshje bashkëpunimi në këtë fushë.

?Do doja që shtatorin e ardhshëm të kemi mundësinë t?i shfrytëzojmë këto marrëveshje, që sa më shumë të rinj të ndjekin kurset e formimit profesional, ku kanë mundësi të marrin një zanat e të bëjnë diçka me duart e tyre?, shtoi ai.

Ministri Veliaj theksoi faktin se institucionet e shtetit duhet të ofrojnë një shërbim model për qytetarët shqiptarë, në mënyrë që edhe shteti të ketë një fytyrë dinjitoze përpara tyre.

?Ne e shikojmë pushtetin si një mundësi për t?u shërbyer njerëzve. Prandaj, është e rëndësishme të kemi fytyrën e një shteti që u shërben të gjithëve pa përjashtim?, tha Veliaj.