E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Veliaj: Bonus ata njerëz që punojnë edhe duke kaluar moshën e pensionit

18 Korrik 2014, 10:03, Ekonomi CNA

Skema e re e pensioneve parashikon rritjen e tyre dhe krijimin e një sistemi unitar. Kështu u shpreh ministri i Mirëqënies Sociale dhe Rinisë Erion Veliaj në raportimin e bërë në Komisionin parlamentar të Ekonomisë.

Sipas tij, parashikimi i rritjes së pensioneve do të jetë për ata që janë aktualisht në skemën e pensioneve, por edhe në rastet kur paguhen më shumë kontribute te sigurimet shoqërore duke krijuar barazi sociale.

Ministri sqaroi se kush ka një pagë të lartë do të taksohet më shumë, kjo duke u bazuar tek taksa progresive. Ndërsa për pensionet e reja, të cilat do të jenë pjesë e skemës duke filluar nga 1 janari, kur të hyje në fuqi ligji i ri për pensionet, minimumi për të marrë pension është 15 vite dhe për herë të parë do të këtë bonus për të gjithë ata njerëz që punojnë edhe duke kaluar moshën e pensionit.

Veliaj tha se ?çdo njeri ka një histori personale me vite të shpërndara në punë të ndryshme dhe formula e re që do të përdoret është e aplikueshme në 28 vende të Bashkimit Europian dhe sigurisht do të paguhet më shumë kur njeriu shkon në punë dhe jo kur merr raport?.

?Të inkurajojmë formulën e re që edhe ata që të jenë më raport të paguhen, edhe ata që punojnë të paguhen më shumë dhe në bazë të rrogës të kemi dhe pensionin në fund, sa më shumë vite aq më shumë pension, pa ndërhyrë me taksa duke mos çuar dëm asnjë ditë punë as një vit, sic mund të bëhej me formulën e vjetër që edhe pse mund të kishe më shumë vite pune, merrje një pension të përcaktuar?, nënvizoi Veliaj.

Veliaj tha se parashikohet rritje e pensioneve, ndërsa theksoi se skena e re do të fillojë shëndoshjen e sistemit të pensioneve duke filluar nga viti tjetër.

Ministri i Mirëqënies Sociale tha se me rëndësi është futja në sistem e pensionit social, pasi për shkak të mungesës së pagesës së sigurimeve shoqërore, një pjesë e popullsisë nuk arrijnë të marrin pension.

I pyetur nga deputetja Blerina Gjylameti lidhur me funksionin e skemës së pagesës së lejes së lindjes, ministri Veliaj tha se ajo duhet të jetë më e ulët se paga reale, në mënyrë që punonjësit të nxiten të rikthehen në vendin e punës.

?Kjo praktikë përdoret në të gjitha vendet e BE. Me këtë skemë unifikohet një praktikë që është e njëjtë kudo. Njeriu në punë duhet të marrë më shumë se në shtëpi?, tha ministri Veliaj.

Më tej ministri Veliaj është ndalur edhe tek ulja e moshës së pensionit për minatorët.

Sipas tij, për këtë kategori vendimi do të hyjë në fuqi me 1 janar 2015, pasi propozimi i miratuar edhe nga Këshilli Kombëtar i Punës parashikon moshën e daljes së minatorëve në pension në 55 vjeç.