Florion Mima: Funerali i nje sistemi qe u egzekutua pa mëshirë

30 Korrik 2014, 05:56, Ekonomi CNA

Ky mund të jetë ndër prezantimet më të veshtira për mua në keta 23 vite. Kam marrë pjese, pothuaj, në të gjitha grupet që kane inicuar e vene ne jete reforma ne fushen fiskale në gati një cerek shekulli, disa prej tyre të kryera nën qeverisje socialiste, por kurrë nuk kisha menduar se do të vinte nje moment, kur do te me duhej të mbaja fjalën mortore në funeralin e nje sistemi qe u egzekutua pa mëshirë nga rilindasit aspak socialistë ne pushtet.

Ky që kemi në ekran është padyshim një nga sloganet me te dhimbshme, me qesharake dhe me cinike njeherazi. Ashtu sic dine të bejne vetem ata ?rilindasit? e rinj aspak socialiste, ai rreket t?u thote shqiptareve se pa ndihmen e tyre ?ulja? e taksave, (lexo ?rritja? e taksave), nuk do te ishte e mundur. Gjithcka falet në këtë botë, vec tallja jo!

Tragjikomedia e taksave deri me sot na ka shfaqur dy akte te saj. Me siguri ajo do të vazhdoje e ndoshta ne nuk kemi parë asgjë akoma. Në aktin e parë, u cmontua plot urrejtje taksa e sheshtë, nje xhevahir në kuroren fiskale shqiptare, u rrit tatimi korporativ, u rrit kontributi i sigurimeve shëndetesore, u rritën akcizat, u rrit taksa e qarkullimit, u rrit… e c?nuk u rrit… te gjitha u rriten por kryeministri ynë rilindas aspak socialist, thotë se taksat u ulen për 97% të shqiptareve. Shqiptaret le të fusin dorën në xhepat e tyre dhe pasi të numerojnë kacidhet që u mbeten pas pagimit të taksave të zgjedhin vete se cilin do të besojne: xhepin e tyre qe po mbetet bosh e me bosh, apo Kryeministrin e tyre qe po rreket t?i ngopë me lugë bosh.

Në aktin e dytë po hiqen te gjitha lehtesitë e dhëna për minierat, energjetiken, bujqesinë, agrobiznesin, naftën, gjithcka. Në këtë akt po tentohet të prezantohet një skemë vrastare për kontribuesit e skemës pensionale, duke futur doren ne xhepin e cdo shqiptari e duke marre rreth 6 mije dollare me shume për burrat dhe rreth 20 mije dollare me shume për grate, si kontribute të paguara me shume e pensione te shijuara me pak. Në këtë akt po vendoset një dysheme e tatimit mbi të ardhurat e biznesit te vogel e cila praktikisht e rrit shkallën reale të taksimit të të ardhurave të tyre nga 7,5% që thote ligji ne 8%, 10%, 16% e në disa raste deri në 25%. Edhe në këtë akt, taksat rriten papërjashtim për 100% te shqiptareve. Përsëri kryeministri rilindas aspak socialist thotë se ato ulen për 97% te tyre.

Situata duket jo e zeze, por sterre. E megjithatë, shqiptarët nuk duhet të humbasin besimin te opozita e tyre. Ajo do të qendroje fort për të demaskuar demagogjine e rilindasve aspak socialiste me taksat dhe njeherazi ne kohen e duhur ajo do te kete gati per diskutim me ta edhe platformen e ringritjes se nje sistemi fiscal te drejte, te ndershem, te parashikueshem, te lehte e te thjeshte per te gjithe. Ne kemi treguar se dime ta bejme mire kete, me perunjesi, me thjeshtesi e me integritet.