MË SHPËTOI FB?!

7 Shtator 2014, 16:32, Opinione CNA

HABERET E MITROS

Nga Mitro CELA

Kur mbusha 65 pranvera, vendosëm ta festonim. Ezmerka tha: ?Ta djegim?! Unë : ?Kemi kohë?. E binda me një citat të Mao Ce Dunit: Mosha e burrit fillon 60-të vjeç … Hëngrëm. Pimë dhe ngritëm dolli në shtëpi. Kafen thamë ta pimë në Durrës.
Futemi në autostradë. Pa bërë 300 metra, dallova katër policë. Në kohë e ministrit Tahiri, policët rrinë tufa-tufa. Nuk kisha vënë rripin dhe instiktivisht frenova. Afrohen një polic mashkull dhe një femër. Llafi I parë I policit mashkull: ?Ke pirë??
Në moment mu kujtua posti në parti. Nuk mund të gënjej, sepse nuk është në nderin e udhëheqjes së Partisë Demokratike. Prandaj u përgjigja ezber: ?Kam pirë!?
-Zoti qytetar, -tha polici,- duhet të bësh provën e tubit?-Me shumë dëshirë,- thashë unë. Në jetën time, kurrë nuk kam future në gojë tub policie?
Ai para. Unë nga pas. Hapi një çantë dhe nxorri një tub? Thashë ta futja në gojë me dorën time. Rregulli ishte të ma fuste policja femër. Hapa gojën. Ma futi?tubin?Paske dorë të lehtë ,- thashë.
-Zoti qytetar! Tubi thotë se kini pirë shumë alkool? -Nuk ka si të ndodhi ndryshe, rakia ishte ballë kazani! -Me këtë nivel që tregon tubi, të ikën patenta,- tha polici.
Nxorra patentën nga protofoli dhe ja lashë në dorë.
-Kush gabon, ndëshkohet, kjo është edhe motua e partisë sime.
I befasuar, polici nisi të bëjë formalitetet. Ndërsa ai shkruante e pyeta: ?Nga të kemi?? Polici u mat të flasi. Por nuk nxorri asnjë fjalë: Nuk ja mora për të keq. Ai ishte në krye të detyrës. Unë, edhe dhi e zgjebosur dhe bishtin përpjetë!
-Më parë se të dorzosh patentën, duhet të shkojmë në komisariat,- tha femra.
-Do të më bëni nder! Kam kaluar gjysëm shekulli dhe nuk jam future në ndonjë komisariat I shoqëruar me polic. Do të hipim në makinën tënde apo në timen?
-Veç patentës duhet të paguash edhe 5 mijë lekë të reja!?Nuk jam dakort. Kushtetuta Amerikane thotë se nuk mund të dënohesh dy herë për të njejtin faj!?
Polici nuk foli. -Sikur të pyes gruan?
Përsëri heshtje. Duke e marrë për miratim, u nisa drejt makinës.
-Asnjë,- tha Ezmerka!-Zonjë ! Nuk është në nderin tuaj ta trajtoni kështu zotin Mitro Çela, që ka qënë deputet!?
-I martuar je, I thashë policit??-Po, tha ai?
– Nuk thotë kot francezi: Shershe la famë! ( Sherri vjen nga gratë!)?
Ai buzëqeshi. Ishte herë e parë që bëri lëshim. Nga buzqeshja e mashkullit, mori kurajo femra police:
-Zoti Mitro: Jemi miq në FB. Merre patentën!
-Gjobë të rëndë?- Tha djali.
-Asnjë lekë, thashë unë: Qingji I butë pi dy nëna!
-Të mos ishte ndërhyrja ime gjithë takt, -tha Ezmerka, -patenta dhe 50 mijë lekshi do na kishte marrë të keqen!?