web counter
LEXO PA REKLAMA!

SHKARKO APP

App Store
Google Play

E fundit!

x

Vlore/ Shperthen mjeti,vritet 42 vjecari

28 Gusht 2014, 08:37, Aktualitet CNA

Një person ka humbur jetën dhe një tjetër është plagosur si pasojë e një shpërthimi në qytetin e Vlorës.

Ngjarja e rëndë ka ndodhur rreth orës 07:15 në rrugën transballkanike Vlorë- Skelë, pranë sheshit ?Omonia?, ku një automjet ?Mitsubishi? i bardhë, fuoristradë, me targa AA848XJ, në të cilin udhëtonin dy persona, ka shpërthyer në flakë.

Shpërthimi ka qenë i fortë dhe si pasojë e tij ka gjetur vdekjen e menjëhershme drejtuesi i mjetit, Isuf Brahimaj, alias I.K, 42 vjeç, pronar i një hoteli në Radhimë që pritej të inaugurohej këto ditë.

Viktima është gjetur i pajetë, totalisht i shkrumbuar në derën e parme të mjetit.

Ndërkohë forca e shpërthimit duket se ka nxjerrë jashtë pasagjeren, Ornela Gjini, 19 vjeç, e cila është marrë nga kalimtarë të rastit dhe është transportuar me urgjencë në gjendje të rëndë drejt Spitalit të Traumës në kryeqytet.

I plagosur nga ngjarja ka mbetur edhe një kalimtar i rastit, i cili është transportuar drejt spitalit për marrjen e ndihmës mjekësore.

Në vendgjarje kanë mbërritur menjëherë forca të shumta policie të cilat kanë rrethuar dhe skenën e krimit.

Paraprakisht dyshohet se mjeti është hedhur në erë përmes një shpërthimi të telekomanduar.

Pasojat e shpërthimit të mjetit janë ndjerë në të gjithë zonën, ku ka pasur thyerje të xhamave në pallatet dhe dyqanet përreth.

Një vit më parë, pikërisht në këtë aks rrugor është hedhur në erë makina e vëllait të Isufit.

Ngjarja është shënuar ne 31 gusht 2013 pasdite në rrugën Transballkanike, kur automjeti tip ?Benz ML? me targë AA663FB ka shpërthyer në flakë e tym.

Burime të policisë thanë se automjetit i është vendosur dinamit.

I plagosuri është Bashkim Brahimaj nga fshati Selishë e Vlorës, i cili banonte në Babicë të Madhe.

Brahimaj njihet si biznesmen ndërtimi.





16:23 Aktualitet

KRISMA E NDYRË

HABERET E MITROSNga Mitro CELADitën e parë të shkurtit, e ni...

13:36 Aktualitet

Kapet 1 kg heroine

Rreth një kilogram heroinë është sekuestruar nga efektivët e...

08:37 Aktualitet

Vritet 13 vjecari

Një 13- vjeçar ka mbetur i vrarë aksidentalisht me armë zjar...

Lajmet e fundit nga