Banka e Shqipërisë, Kutia e Pandorës

26 Gusht 2014, 21:37, Aktualitet CNA

Nga Spartak Ngjela

Në historinë e vjedhjeve të mëdha shtetërore, kur administratorët pergjegjës janë treguar “kokëfortë” dhe nuk kanë pyetur për askend, gjithmonë këta, janë vjedhesit kryesore të parave. Ata tregohen “kokëfortë” sepse, nga ato para të vjedha, kanë marre edhe një varg i gjate vipash politikë pushtetarësh, te cilët sigurisht që e mbrojnë administratorin vjedhës, sepse kanë në dorë edhe prokurorinë edhe gjykatën? Ja, pikërisht kjo po vërehet edhe me Guvernatorin shqiptar në lidhje me vjedhjen e Bankës së Shqipërisë; por edhe me Prokurorinë; edhe me kryeministrat e humbur nga pushteti tani. Shihet se janë të gjithe grup. Saliu ka frikë ?stabilitetin financiar?, thotë, dhe të gjithë e kuptojnë se ka gisht në këtë mesele; Nanoja nuk dihet se në ç?kënd është fshehur për të na thënë se ku e gjeti Fullanin për ta emëruar Guvernator. E pse ta zgjasim: kudo ka një ?stepie?, dhe sikur nuk duan ta kujtojnë fare ngjarjen. E pra, e gjithë kjo tregon komplis. Sigurisht që ka një bashkëpunim, dhe kjo kuptohet së pari nga sjellja e Guvernatorit që s?pranon të japë dorëheqjen edhe pse i janë bërë deri tani 12 000 firma shqiptarësh që ia kërkojnë; kuptohet gjithashtu nga frika që tregoi Këshillit Mbikqyrës së Bankës kur nuk pranoi të ndërmerrte pezullimin e Guvernatorit, me përjashtim të Ermelinda Meksit. Por ka edhe një kryeministër; ky aktuali, që e ka në interes që ta çojë hetimin e kësaj vjedhjeje deri në fund. Por, a është në gjendje ta kuptojë, apo ka edhe ky presion nga ata që ka pranë? Kjo duhet parë. A do ta fillojë një hetim parlamentar Rama me grupin e vet parlamentar? A do ta ndryshoje ligjin që ta pezullojë dhe ta shkarkoje në Kuvend Guvernatorin? Te gjitha këto, sigurisht që janë jo vetëm në interest ë vendit, por edhe në interes të karrierës së tij. A do ta nisë këtë betejë, apo do të mbetet vetëm te ?trofeu? i Lazaratit dhe i Dukagjinit? Dhe ka shumë pyetje të tilla. Por kryesoria është kjo: a e kupton të paktën që e ka ne interes?… sepse, trofeu për mposhtjen e vjedhësve në grup të Bankës së Shqipërisë, është ku e ku më i madh nga dy trofetë e karaktrit rural?
Vjedhja është e madhe, dhe me sa po kuptohet edhe institucionet financiarë ndërkombëtarë kështu mendojnë. Madje ata sigurisht që kanë informacione nga shërbimet, dhe e dinë situatën grabitësë të Bankës së Shqipërisë shumë më mirë se ne. Por Rama hesht; dhe po hesht me takt, duke thënë: ?prisni!?. Kurse Saliu kërkon të heqë vëmendjen, dhe kërcënon të tijët, të cilët e kanë kuptuar këtë çeshtje kështu siç po e shpreh edhe unë, dhe i kanë dalë nga rreshti. Dhe e dini pse? Sepse nuk kanë përse të mbajnë në shpinë vjedhje të këtij lloji. Prandaj, mendoj se ?thesi? i Bankës së Shqipërisë do të hapet. Domethënë do të hapet Kutia e Pandorës. Por kjo kuti, pa dyshim, që do të jetë testi i të gjitha vjedhjeve që u jënë bërë shqiptarëve të paktën në këta nëntë vjet. Duhet shumë kurajë për të hapur këtë kuti; por pyetja që bej unë është kjo: a do të kërkojë Rama nëpërmjet hetimit parlamentar një audit ndërkomëtar me ekspertë financiarë të kualifikuar por edhe me ekspertë krimesh, gjithashtu? Ja, kjo është çeshtja. Të shohim; sepse vetëm ky audit mund ta hapë Kutinë e Pandorës në Bankën e Shqipërisë. Nëse Rama s?do ketë kurajë që ta bëjë këtë, sigurisht që do të fundoset bashkë me të gjithë të tjerët. Shqiptarët janë të ndërgjegjshëm tani, dhe nuk do ta falin kurrë këtë vjedhje