E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

UET, Megakioskë apo Piramidë? 1.2 milion dollarë borxh tek tatimet e Tiranës

28 Gusht 2014, 16:21, Aktualitet CNA

Nga Elvi FUNDO

UET-i i Henri (Neim) Cilit vazhdon të thellojë skandalet. Një investigim i thjeshtë dhe një raport kontrolli i Ministrisë së Arsimit nxorrën në pah shkelje ligjore, manipulime të opinionit publik, doktoratura për të huaj, pa leje qëndrimi etj etj, shkelje që sollën vetëm disa vërejtje dhe asgjë më tepër.

Fjala ?Mega Kioskë? i shkon pas deklarimit të Kryeministrit Rama se po mbylleshin kioskat e arsimit të lartë. Në fakt sipas kontrollit të ministrisë, ?Kioskë? ishtë dhe vëtë UET, kjo për disa faktë që na sjell raporti. Raporti student- pedagog, nga 1 me 20 që e kërkon ligji është 1 me 50, sipërfaqja për student, programet e reklamuara publikisht, janë pika e ujit në oqeanin ku lundron UET. Më pas shkeljet vazhdojnë me mungesën e regjistrave e matrikulave.

Nuk mund të lihen mënjanë edhe 800 Doktoraturat e UET në proces, apo një shtetas turk pa leje qëndrimi dhe certifikatë gjuhe. Udhëqësit e doktoraturave dhe shumë shkelje të cilat vetë ministria i shkruan, por nuk merr asnjë masë për ketë institucion. Politikë serviliste apo institucione të kapura nga UET dhe Cili, këtë e kupton cdo ditë kur investigon. Sllogani ?Ne jemi kudo?, UET vlen shumë, atë e gjen ne Bashkinë e Tiranës, në Qeveri, në PS, në PD, rremujë dhe interesa klienteliste pafund.

Sot po sjell një fakt tjetër të marrë së fundi nga Drejtoria e Tatimeve të Tiranës. Dokumenti na tregon sesi UET ka krijuar një borxh prej 1.2 milion dollarë në këtë institucion vetëm gjatë muajve të fundit të 2013 dhe në vazhdim.

Dokumenti është nxjerrë nga sistemi i tatimeve dhe UET me Niptin përkates sic shihet dhe në foto ka një borxh që tatimet nuk e mbledhin. Tolerim apo klientelizëm edhe në këtë institucion këtë duhet të presim reagimin e institucionit pas këtij publikimi.

Cili nuk e ka këtë rastin e parë të një borxhi, pasi ai përflitet për rreth 15 milion euro të tjera të marra nga një bankë private, pa harruar qeratë dhjetra mijë euro për godinat, por edhe të tjera investime për zgjerimin e UET, ku në fakt më i madh është lokali sesa biblioteka.

Sot, Drejtoria e Tatimeve kërkojnë të rrisin të ardhurat, sulmojnë kioska, biznese të vogla, gjoba milionëshe për 1 (një) të pa deklaruar, ndërsa UET lejohet të akomulojë një borxh qindra mijë euro apo mbi 1 milion dollarë.

Askush tani nuk mund të ngelet i cuditur kur Cili të dalë dhe të thotë m Rama kaq i mirë, tatimet kaq të sukseshme etj etj si këto. Daljet e Cilit dhe propaganda e tij sapo kanë filluar në disa gazeta dhe së shpëjti priten edhe milionat për televizionet ku reklamat dhe financimi i tyre do sjellë transferimin e mijëra studentëve nga universitetet e mbyllura tek ?Mega Kioska e Cilit?, e cila me borxhet dhe detyrimet nuk i shpëton dot edhe fjalës Piramidë, për detyrimet dhe borxhet që ka. Ndoshta reforma e fundit në Arsimit e Lartë i shërbeu kësaj të fundit, shlyerjes së borxheve nga UET dhe Neim Cili, shpërblimi për pushtetin është i thjeshtë, propaganda pro qeverisë dhe tatimeve sipas versionit UET, ?Ne jemi kudo?. Pa harruar edhe ushtrinë me vota për zgjedhje nëpërmjet mënyrave që më parë Cili ja servirte qeverisë së PD-së.