E fundit!

11:24 Aktualitet

Bordi i Transparencës merr vendimin/ Ja çmimet e reja për karburantet

Bordi i Transparencës ka njoftuar se çmimi i shitjes me pa...

A ndikon harta e re territoriale në llogaritë elektorale?

16 Gusht 2014, 08:56, Politikë CNA

Nga Eduard Zaloshnja

Në 52 njësi vendore, nga 61 që ka harta e re territoriale e miratuar në 31 korrik në Kuvendin e Shqipërisë, partitë e përfshira në/ose afër koalicionit qeveritar kanë marrë së bashku më shumë se 50% të votave në 23 qershor 2013. (Si parti afër koalicionit qeveritar kam konsideruar PDIU-në dhe FRD-në, ndërsa si parti afër koalicionit opozitar kam konsideruar PBDNJ-në dhe AK-në). Në këto 52 njësi vendore (që do të quhen bashki të zgjeruara) jeton aktualisht 89% e popullsisë. Pra, kandidatët e mazhorancës do ta fillojnë me epërsi paraprake garën për qeverisjen lokale të 89% të banorëve të Shqipërisë.

Por a do ta kishin ata këtë epërsi paraprake në qoftë se në zgjedhjet e 2015-ës do të zhvilloheshin sipas hartës së vjetër territoriale? Llogaritë e votave të 23 qershorit 2013 i japin përgjigje pozitive kësaj pyetje. Kështu, në njësitë e vjetra vendore ku partitë e përfshira në/ose afër koalicionit qeveritar kanë marrë së bashku më shumë se 50% të votave, jeton aktualisht 87% e popullsisë ? pra, vetëm 2% më pak se sa sipas ndarjes së re, ose statistikisht, e njëjta gjë.

Në qoftë se mazhoranca do ta ruajë epërsinë që pati pothuaj në të gjithë territorin e Shqipërisë në zgjedhjet e 23 qershorit, nuk ka rëndësi se me çfarë harte territoriale shkohet në zgjedhje ? rreth 88% e popullsisë do të qeveriset nga kryebashkiakë të mazhorancës. Por a do ta ruajë mazhoranca atë epërsi pas një viti? Kjo është një tjetër pyetje dhe përgjigjia e saj nuk varet shumë nga harta territoriale?

Po për garën më të rëndësishme lokale atë të kryeqytetit, si ka ndikuar elektoralisht ndryshimi i hartës? Brenda kufijve të vjetër të bashkisë së Tiranës, partitë e përfshira në/ose afër koalicionit qeveritar kanë marrë së bashku 62.2% të votave të 23 qershorit 2013. Brenda kufijve të parashikuar në hartën e re elektorale, kjo shifër është në nivelin 62.8% ? pra, vetëm 0.6% më shumë se sa sipas ndarjes së vjetër, ose statistikisht, e njëjta gjë.

Diçka më ndryshe do të dukej ky numër në qoftë se komuna e Zall-Herrit do t?i bashkohej Kamzës në vend të asaj të Paskuqanit (gjë që ka kuptim nga pikpamja gjeografike, sepse zall-herrasit duhet të kalojnë përmes bashkisë së Kamzës për të ardhur në qendër të Tiranës, ndërsa paskuqanasit jetojnë ngjitur me vijën e verdhë aktuale të kryeqytetit). Nëse komuna e Paskuqanit do të bëhej pjesë e bashkisë së Tiranës dhe ajo e Zall-Herrit pjesë e bashkisë së Kamzës, do të krijohej një bashki kryeqytetase, ku partitë e përfshira në/ose afër koalicionit qeveritar kanë marrë së bashku 61.4% të votave të 23 qershorit 2013. Pra, vetëm 0.8% më pak se sa sipas ndarjes së vjetër, ose statistikisht, e njëjta gjë.

Në qoftë se mazhoranca do ta ruajë epërsinë që pati në zgjedhjet e 23 qershorit në kryeqytet dhe fshatrat përreth tij, nuk ka rëndësi se me çfarë harte territoriale shkohet në zgjedhje ? kandidati i saj do të jetë mbi 22 pikë përqindje përpara rivalit opozitar. Por a do ta ruajë mazhoranca atë epërsi pas një viti? Kjo është një tjetër pyetje dhe përgjigjia e saj nuk varet shumë nga harta territoriale?

Më poshtë vijon një tabelë e votave që kanë marrë së bashku partitë e përfshira në/ose afër koalicionit qeveritar në zgjedhjet e 23 qershorit 2013, ndarë sipas 61 njësive vendore që ka harta e re territoriale, e miratuar në 31 korrik në Kuvendin e Shqipërisë.

SKRAPAR???????-86%

POLICAN???????-83%

PATOS????????-78%

KUCOVE????????76%

URA VAJGURORE????76%

FIER?????????-75%

DELVINE????????75%

TEPELENE???????75%

MEMALIAJ???????73%

VLORE????????-73%

PERMET????????71%

PEQIN????????- 71%