E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Erion Braçe: Vjedhja është përgjegjësi e Fullanit

14 Gusht 2014, 09:34, Politikë CNA

Deputeti socialist, Erion Braçe, ka komentuar intervistën e Guvernatorit Ardian Fullani, duke thënë se nuk është e vërtetë që ai ka pak përgjegjësi.

?Po lexoj një intervistë të Guvernatorit të Bankës së Shqipërisë, Ardian Fullani.

Ka thënë dhe mbrohet kështu:

?Unë e shoh përgjegjësinë administrative të Guvernatorit kryesisht në garantimin e stabilitetit dhe të pavarësisë së bankës. Një gjë e tillë e dëshmoi i gjithë spektri politik!?

Meqë sot është mbledhja e Këshillit Mbikëqyrës dhe meqë kuptoj qartë se kjo do të jetë linja zyrtare, dua të përgjigjem;

Jooo! Nuk është e vërtetë që Guvernatori ka kaq përgjegjësi, është gënjeshtër.

Unë i referohem vetëm ligjit!

Ky është neni për statusin, detyrat dhe përgjegjësitë e Guvernatorit:

1. Guvernatori vepron si drejtor i përgjithshëm ekzekutiv i Bankës së Shqipërisë, i ngarkuar për mbarëvajtjen e veprimtarisë së përditshme të Bankës së Shqipërisë. Në rast se guvernatori mungon ose është në pamundësi për të vepruar, zëvendësguvernatori i parë vepron në cilësinë e drejtorit të përgjithshëm ekzekutiv të Bankës së Shqipërisë.

2. Guvernatori përgjigjet për hartimin dhe paraqitjen në Këshillin Mbikëqyrës të politikës monetare, të kreditit dhe të këmbimeve valutore, si dhe të politikave të tjera.

3. Guvernatori përgjigjet përpara Këshillit Mbikëqyrës për zbatimin e vendimeve të miratuara, duke përfshirë zbatimin e politikës monetare, të kreditit dhe të këmbimeve valutore, si dhe për drejtimin, kontrollin dhe mbikëqyrjen mbi administrimin dhe operacionet e Bankës së Shqipërisë.

4. Të gjitha kompetencat që nuk specifikohen për Këshillin Mbikëqyrës i njihen guvernatorit ose, në rastin kur guvernatori mungon, ose është në pamundësi për të vepruar, këto kompetenca i njihen zëvendësguvernatorit të parë të Bankës së Shqipërisë. Në veçanti, i njihen kompetencat për të kryer veprimet e kërkuara ose të gjykuara si të pranueshme prej tij për administrimin ose për operacionet e Bankës së Shqipërisë, duke përfshirë pa kufizim:

a) angazhimin në marrëdhënie kontraktore në emër të Bankës së Shqipërisë;

b) emërimin e punonjësve, agjentëve dhe korrespondentëve të Bankës së Shqipërisë;

c) përfaqësimin e Bankës së Shqipërisë në procedurat ligjore.

Guvernatori, me miratim të Këshillit Mbikëqyrës, mund t?ua delegojë disa nga kompetencat e tij nëpunësve të Bankës së Shqipërisë.

E shihni sa DETYRA ka?

E shihni sa PERGJEGJESI i janë ngarkuar?

A e kuptoni se moskryerja e DETYRES ka shkaktuar VJEDHJEN e ka garantuar moszbulimin e saj për 4 vjet?

Është tërësisht PERGJEGJESI administrative e ligjore e GUVERNATORIT!

Shumë shumë e qartë!? shkruan Braçe.