web counter
LEXO PA REKLAMA!

SHKARKO APP

App Store
Google Play

E fundit!

x

Ngjela: Këshilli Mbikëqyrës i BSH, bëri turp mesjetar

11 Gusht 2014, 08:05, Politikë CNA

Spartak Ngjela e cilëson vjedhjen në Bankën e Shqipërisë majën e ajsbergut në abuzimet që qeveritë kanë bërë me këtë bankë.

?Unë them se është maja e ajsbergut, sepse janë tre kryeministra, e sidomos i treti, Sali Berisha, që duhet të ketë qenë palë me abuzimin e BSH-së. Këtu kryeministrat kanë vjedhur si në pronën e tyre doganat dhe tatimet. Drejtorët e doganave paguanin ?haraçin? ditë për ditë, apo javë për javë, me çanta me lekë tek kryeministrat. Saliut iu duk një pakogjë kjo dhe shkoi shumë më tej me abuzimin: ai përvetësoi prona shtetërore dhe private, mijëra hektarë, me rrethin e tij familjar, të gjitha të dokumentuara, shiti koncesione dhe territor kombëtar, e natyrisht të gjitha këto, ka qenë e pamundur të bëheshin edhe pa mbështetjen e Bankës Kombëtare: Guvernatorit dhe ministrit të Financave?, shprehet Ngjela për Panoramën.

?Kapitali themelor i Bankës së Shqipërisë është 750 milionë lekë. Këtu flitet si për një ?vjedhje xhepi?. Jo vetëm që është cenuar siguria kombëtare në një term të përgjithshëm, por është tronditur i gjithë kapitali shqiptar. Banka e Shqipërisë është garant i kapitalit shqiptar, privat apo publik dhe garanti vjedh nga brenda. Pse vërtet mund ta besojë një profesionist, apo një njeri me pak mend në kokë se një referent çfarëdo, një nëpunës i thjeshtë hiçasgjë dhe i panjohur mund të vjedhë 713 milionë lekë??, tha Ngjela.

Avokati e cilëson qëndrimin e Këshillit Mbikëqyrës një turp mesjetar, me përjashtim të Ermelinda Meksit, e cila ishte ajo që  kërkoi mbledhjet e këtij këshilli.

Ngjela i kërkon qeverisë ta monitorojë këtë vjedhje dhe të kërkojë audit ndërkombëtar nga institucionet ku Shqipëria bën pjesë, madje edhe nga FBI-ja amerikane.





Lajmet e fundit nga