Edhe një herë për Bankën e Shqipërisë

12 Gusht 2014, 08:50, Politikë CNA

Nga Spartak NGJELA

Tani qe vjedhja e stokut te Bankës së Shqipërisë është një çeshtje mbarëshoqërore, duhet analizuar edhe vetë ?Ligji për Bankën e Shqipërisë?. Pyetja që duhet ngritur është kjo: a e ka ndihmuar ligji aktual vjedhjen e 713 milionë lekëve në BSH? Ligji e ka ndihmuar, dhe ai duhet ndryshuar urgjentisht. Ligji ka mangësi në lidhje me administrimin e brendshëm të Bankës. Sipas ligjit aktual, Këshilli Mbikqyrës i Bankë së Shqipëisë duhet të ketë 9 anëtarë, nga të cilët, vetëm tre ka në detryrë, të tjerët janë part time (me kohë të pjesëshmë). Cilët janë këta të tre? Ata janë: Guvernatori i Bankës dhe dy zëvendësguvernatorët. Madje, Guvernatoëri është edhe kryetari i Këshillit Mbikqyrës; kurse njëri nga zëvendësguvernatorët, që quhet i parë, është edhe zëvëndëskryetar i Këshillit Mbikqyrës.
Zotërinj që merreni me këtë ceshtje! pse flitet kot për Këshill Mbikqyrës? Në atë Bankë ka pasur vetëm një Guvernator dhe një zëvendësguvernator, dhe asgjë tjetër. Ky është kyçi i abuzimit, sepse edhe zëvendësguvernatori i dytë mungon, nuk është emërurar. Atëherë? Gjithçka është e qartë: si pasojë e një ligji banal, i cili, në emër të pavarësisë ka krijuar një Guvernator absolut, patjetër që do të vidhej jo vetëm stoku, por gjithka që ka vlerë matëriale në atë Bankë. Ligji është i papranueshëm, prandaj duhet ndryshuar urgjent; kurse përgjegjësia, në bazë të ligjit është e qartë: ajo është drejtpërsëdrejti e Guvernatorit. Zotëri, a të ka pëlqyer që të jesh absolut? Ateherë, mbaj edhe përgjegjësinë e absolutizmit tënd. Si ka mundësi që, ligjërisht, supërvizioni i një Banke Kombëtare të drejtohët nga Guvernatori i saj? Domethënë, kontrolli dhe ekzekutimi janë të dyja në një dorë. Për një vend demokratik, kjo është papranueshmëri juridike. Shkurt: ligji aktual i “ka varur mëlçitë ujkut në qafë”. Ja, zotërinj, kjo është arsyeja pse sot në Shqipëri kemi krijuar një burokraci piraterike, sepse, kemi krijuar absolutë që, duke u lidhur me njëri – tjetrin si të paprekshëm, kanë vjedhur vlerat monetare të shqiptarëve.
Tani gjithçka është e qartë dhe mos dirdhni kot lotë krokodili ju ?përgjegjësa të lartë?: me ligj është dhënë besimi se edhe mund të vjedhësh, por po u kape, do të përgjigjesh penalisht. Por, edhe këtu, kemi një pikë tjetër absolutë: Prokurori i Përgjithshëm, që është sërish absolut sipas ligjit, dhe, natyrshëm, duke qënë ndihmës i piraterisë burokratike, e di ai se deri ku duhet të shkojë përgjegjësia penale. Ky është rrethi vicioz i papërgjegjshmërisë dhe pandëshkueshmërisë në Shqipëri. Ky rreth patjetër që duhet zhbërë; sepse në të kundërt nuk ka më asnjë reformë në Shqipëri. Ligji ka krijuar absolutizëm të pakontrollueshëm ne “institucionet e pavarura”, dhe pastaj, pikat absolute, pasi bashkohen, vjedhin qetë-qetë paratë dhe gjithë zhvillimin shqiptar, në fakt këta disponojnë personalisht “me ligj” vetë mirëqënien e shoqërisë shqiptarë. Prandaj, të drejtë kanë njerëzit që krijojnë peticione gjigandë…kështu duhet të vijojnë derisa t’i marrin vetë gjërat në dorë e të shpëtojnë veten nga një grabitje kaq e gjatë që ndodh në atdheun e tyre. Ligji për Bankën e Shqipërisë duhet përmirësuar urgjent në funksion të eliminimit të arbitrarizmit banal që ka krijuar në këtë Bankë. Kjo Bankë ka pasur në veprim vetëm dy persona: që të dy duhet të jenë subjekte të përgjegjësisë ligjore për vjedhjen e 713 milione lekëve… Dhe Guvernatori vijon të rrijë në detyrë dhe nxjerr në media edhe ?bishta për ndihmë?, sepse rëndom edhe mundet t?i këtë blerë. Koha nuk pret më; në Shqipëri po shfaqet hapur pirateria e qeverisësve e këtij vendi. Kjo vjedhje e Bankës së Shqipërisë, është turp historik, kush s’e kupton, është idiot dhe duhet të largohet nga drejtimi, kudo që të jëtë, kush e kupton dhe e pranon normalisht, është i implikuar në vjedhjen gjigande dhe shjmëvjecare që iu është bërë shqiparëve.