web counter
LEXO PA REKLAMA!

SHKARKO APP

App Store
Google Play

E fundit!

x

Braho: Këshilli Mbikqyrës i BSH të japë dorëheqjen

11 Gusht 2014, 10:07, Politikë CNA

?Anëtarët e Këshillit Mbikqyrës së Bankës së Shqipërisë duhet të japin dorëheqjen?.

Apeli drejtuar 7 anëtarëve të Këshillit i është drejtuar nga Kryetari i Komisionit Parlamentar të Sigurisë Kombëtare Spartak Braho, sipas të cilit pas vjedhjes së 7.13 milionë dollarëve nga Banka e Shqipërisë është cënuar rëndë siguria kombëtare financiare e vendit.

?Krahas mungesës së tyre, mozbatueshmërisë me korrektesë vetë ato janë të paqarta dhe kanë nevojë të reformatohen. Po ashtu rezulton se ndër përgjegjësitë kryesore në mënyrë kolektive, dhe individuale ngarkon Këshillin Mbikqyrës që rezulton se është me dy mungesa, ashtu sic mungojnë dhe zv/guvernatori.  Kjo strukturë kryesore drejtuese dhe menaxhuese, ndonëse e kompozuar me personalitete të fushës ekonomike duket se ka vegjetuar, s?ka qenë kontrolluese, eficente?, tha Braho.

Braho tha se në një situatë të tillë duhet të shqetësohen institucionet e vendit, ndërsa shtoi se aktualisht ngjarja po hetohet.

Në lidhje me largimin e Guvernatorit Ardian Fullani, deputeti i LSI-së u shpreh se ?ligji parashikon dorëheqje apo largim nga detyra në momentin që mbi të ngrihen akuza penale, gjë që aktualisht nuk rezulton. Se çfarë do të bëjë Guvernatori në aspektin moral, kjo është çështje e tij, unë flas në atë çfarë parashikon ligji?.

Gjatë konferencës për mediat, kreu i Komisionit parlamentar të Sigurisë u shpreh se vetëm ish-Kryeministri Berisha ka marrë në mbrojtje Guvernatorin Fullani, por shtoi se problem nuk zgjidhet me thirrje për largim.

?Duke pasur parasysh përbërjen e Këshillit Mbikqyrës u bëj thirrje personalisht profesorëve Ardian Civici, Dhori Kule dhe Ermelinda Meksi që në vite ka qenë model i moralit, të bëjë aktin moral më qytetar dhe më të justifikuar institucionalisht, që vetë ata në grup të parët të japin dorëheqjen vetëm për arsyen  se vjedhja dhe keqmanixhimi  Bankës së Shqipërisë është evidente?, theksoi  Braho.

Sipas tij, ?përgjegjësia kryesore është e Këshillit Mbikqyrës. Përgjegjësi morale, politike e institucionale, nëse ka penale këtë e di tjetër kush?.





Lajmet e fundit nga