E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Kacaj: Ministri me favorite, la bashkinë Bashkinë e Bacit e fshiu Shëngjinin

12 Gusht 2014, 22:53, Politikë CNA

Përfaqësuesit vendor të Partisë Demokratike në Lezhë u mblodhën pasditen e djeshme në zyrat e PD-së të qytetit për të deklaruar nismën për mbledhjen e firmave që do të mundësojnë një referendum vendor kundër ndarjes së re territoriale.

Në këtë takim mori fjalën edhe Salvador Kaçaj, kryetari i komunës Shëngjin, i zgjedhur nga PS.

I indinjuar për bashkimin e Shëngjinit me Lezhën, Kaçaj tha se ?Shëngjini po fshihet nga harta e Shqipërisë?, në një kohë kur qeveria kërkon të ndërtojë portin më të madh në Ballkan.

Madje, me ironi shtoi se për këtë projekt Shëngjinin e kanë vizituar 215 delegacione, por natyrisht gjysma e më tepër janë tallur dhe kanë ngrënë peshk.

Ai nënvizoi se e askush nuk është pyetur për ndarjen e re territoriale, por kujtoi 2 telefonata që ministri Bledi Çuçi i kishte bërë, por që ai vetë nuk i ishte përgjigjur.

Kaçaj iu drejtua në këtë mënyrë ministrit të Çështjeve Vendore, Bledi Çuçi, pasi siç e tha vetë nuk ia dinte as emrin:

?Shëngjini fshihet nga harta e Shqipërisë dhe lihet Ura Vajgurore,

A e keni dëgjuar Urën Vajgurore të Bashkim Finos, që shtë një turp i vërtetë?

Lihet bashki Klosi. Qeveria ka një prioritet. Prej një viti, kanë ardhur 215 delegacione, natyrisht gjysma e më tepër duke u tallur dhe duke grënë peshk për portin e ri të Shëngjinit.

Pra, qeveria do të ndërtojë portin më të madh të Ballkanit, nga ana tjetër e fshin Shëngjinin nga harta. Ky është një handikap që nuk ka as bazë ligjore dhe as njerëzore.

Nuk është pyetur populli, një nga kryetarët e komune të dalë e të na thotë në është pyetur njeri.

Nuk është pyetur asnjeri. Përveç atij ministrit gangster me favorite, nuk e di si quhet ai, që më ka thirrur dy herë në telefon, por nuk jam përgjigjur. Mendoj se është një padrejtësi e madhe që ne do ta vëmë në eficiencë Kushtetutën dhe të shkojnë pranë qytetarëve dhe tu kërkojmë të bëjnë një referendum,? tha Kaçaj për Ora News