E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Nard Ndoka: Fullani, një Guvernator europian, e jep dorëheqjen në përfundim të hetimeve

14 Gusht 2014, 18:24, Politikë CNA

Deputeti i opozitës, kryetari i PDK-së, Nard Ndoka, e konsideron Ardian Fullani një Guvernator të klasit europian dhe se ai është duke bashkëpunuar me drejtësinë në këto momente, për të dhënë dorëheqjen pikërisht pas përfundimit të tyre.

Duke bërë një analizë të dorëheqjeve të politikanëve shqiptarë dhe atyre europianë, Ndoka ka vlerësuar sesa larg qëndrojnë ato nga njëra tjetra.

Pikërisht, duke bërë këto dallime të dorëheqjes, ai shpreh bindjen fund e krye se Fullani i përket njerëzve me integritet të lartë moral dhe me kulturë e edukim europian.

?Më mirë një dorëheqje për moral apo një qëndrim në detyrë si detyrim ligjor? Precedenti Fullani nuk është i pari, as në Shqipëri, as në rajon. Raste të ngjashme kemi shume, madje disa kane mbetur edhe si filma te pelqyeshem nga publiku. Në raste të tilla në Europë, Guvernatorët nuk kanë dhënë dorëheqjen, por kanë bashkëpunuar me sistemin e Drejtësisë, me Qeverinë, Parlamentin dhe këshillat drejtues. Në disa raste Guvernatorët janë shpallur fajtorë dhe janë dënuar nga drejtësia, në pak raste kanë dalë të pa fajshëm, por në te gjitha rastet kanë dhënë dorëheqjen pas përfundimit zyrtar të hetimit, pa u shprehur akoma gjykata?, shkruan Ndoka në një postim në rrjetin social Facebook.

Në vijim të komentit të tij, kreu demokristian shprehet ?në rastin tonë unë pres, që të kemi një Guvernator Europian, që po pret fundin e hetimit duke bashkëpunuar me Drejtësinë dhe kryer detyrën e tij institucionale dhe ky do të ishte precedenti i parë Europian në Shqipëri. Dorëheqje me ?moral? shqiptar kemi parë shumë keto vite: rasti Mediu, Meta, si të zënë me presh në dorë dhe raste të tjera me ?moral politik? më të lehtë: rasti Dokle, Rusmali, Nako, Prifti etj?.

?Dy rastet e bujshme me ?moral shqiptar? kanë rezultuar fallco dhe fare pa moral, rastet e tjera me zor kujtohen edhe sot, se pse u dorëhoqen! Rasti ?Meta? përfundoi 5:0, rasti Mediu 0:0, për të dy këto raste z.Rama opozitar, na premtoi, se kur të vijë në pushtet, rasti Meta do të rigjykohet 0:5, ndërsa për rastin Mediu do kishte penallti, deri më tash asgjë nuk ka ndodhur.

Ndaj krijohen precedentet dhe mbahen mend, kur rasti vlen për të gjykuar fajtorët dhe për të vendosur standard dhe precedent për të ardhmen dhe kur nuk vendoset precedent për të ?qetësuar? opinionin dhe penguar drejtesinë. Ndaj unë preferoj një precedent Europian dhe jo një dorëheqje shqiptare!

Shpresoj në një Guvernator Shqiptar Europian dhe jo në një Fullan shqiptar!.Duhet të bëjmë durim edhe pak ditë, të marrim vesh, nëse do kemi precedent europian, apo rast shqiptar!?, shkruan Ndoka në Facebook.