web counter
LEXO PA REKLAMA!

SHKARKO APP

App Store
Google Play

E fundit!

x

Nishani mohon diplomën fallco

15 Gusht 2014, 11:31, Politikë CNA

Presidenti Bujar Nishani, përmes Drejtorit të Kabinetit, ka mohuar se zotëron një diplomë fallco të masterit, ashtu sikundër shkruhej në mediat shqiptare.

?Sot, në Gazetën Shqiptarja.com të botuesit Carlo Bollino, akuzohet Presidenti i Republikës për gjoja diplomë fallco të masterit të Presidentit të Republikës të marrë nga një Institut Francez në Tiranë. Ky shkrim përbën një shpifje dhe ofendim të rëndë ndaj Presidentit të Republikës. Presidenti Nishani nuk është regjistruar kurrë në një Institut të tillë, nuk ka frekuentuar kurrë një institucion të tillë dhe nuk është pajisur kurrë me një dokument  nga ky Institucion?, thuhet në reagimin zyrtar të Institucionit të Presidentit të Republikës.

Në vijim sqarohet se nuk ka patur kurrë ndonjë deklarim verbal apo me shkrim nga ana e Presidentit Nishani për studime në këtë Institut.

?Presidenti Nishani ka kryer studimet pasuniversitare të titullit Master në Universitetin e Tiranës, Shkolla Pasuniversitare për Studimet Europiane ku është diplomuar me notën 10, si dhe ka kryer studime pasuniversitare në Navy Postgraduate School, në Monterey të Kalifornisë.

Kabineti i Presidentit e fton gazetën Shqiptarja.com të kryejë të gjitha verifikimet e duhura pranë këtyre institucioneve, frekuentimin e tyre nga Presidenti Nishani si dhe punimet e diplomës dhe vlerësimin e saj nga autoritetet akademike?, thuhet në deklaratë.

Në vijim, Presidenti i Republikës i drejtohet popullit shqiptar duke e siguruar atë se do të vazhdojë të qëndrojë i fortë në mbrojtje të Institucionit më të lartë të Shqipërisë, atij të Kryetarit të Shtetit, i papërkulur ndaj çdo lloj shantazhi, intimidimi apo provokimi.





13:21 Politikë

Idrizi: Fullani IK

Dorëheqjen e guvernatorit të Bankës së Shqipërisë Ardian Ful...

Lajmet e fundit nga