web counter
LEXO PA REKLAMA!

SHKARKO APP

App Store
Google Play

PD: Edi Rama mbron falsifikimin

15 Gusht 2014, 12:13, Politikë CNA

Partia Demokratike akuzon Kryeministrin Edi Rama se po mbron flasifikimin duke marrë në mbrojtje Kryeinspektoren për Arsimin e Lartë në Ministrinë e Arsimit.

“Edi Rama doli dje hapur në mbrojtje të një falsifikimi, të një mashtrimi që është vepër penale.

Kryekontrollorja e tij për arsimin, rezulton se ka një diplomë false për doktoraturën e saj, dhe që e ka përdorur këtë dokument në aplikimet që ka bërë për punë.

Botërisht është mësuar se qendra që jepte të tilla doktoratura, ishte fantazëm, dhe është mbyllur nga Ministria e Arsimit në vitin 2007. Lajmi është bërë publik, dhe ka qënë prezent në të gjitha mediat.

Kryekontrollorja e cilësisë së universiteteve, ka qënë ndoshta një nga viktimat e mashtruesit francez, i cili është dënuar nga Gjykata e Tiranës”, u shpreh Koordinatorja për Mediat në PD Silvi Bardhi.

Në vijim, ajo tha se përdorimi më vonë i këtij dokumenti, pasi i madh e i vogël e kanë marrë vesh spekullimin e francezit, e bën zonjën Isufaj dy herë fajtore.

“Dhe sigurisht, e bën Edi Ramën, njësoj fajtor, i cili del hapur në mbrojtje të falsifikimit, të mashtrimit.

Mirëpo, Rama nuk merret me faktin, se po të merrej me faktin, do të duhej të merrte masa ndaj personit me diplomë të falsifikuar dhe që mashtron duke e shfrytëzuar këtë dokument të pavlefshëm.

Rama driblon, dhe mundohet t’i ikë të vërtetës, duke bërë sulme personale. Kjo është për fat të keq kultura e një Kryeministri që nuk mban asnjë lloj përgjegjësia, që nuk njeh asnjë llogaridhënie”, thuhet në deklaratë.





13:21 Politikë

Idrizi: Fullani IK

Dorëheqjen e guvernatorit të Bankës së Shqipërisë Ardian Ful...

Lajmet e fundit nga