web counter
LEXO PA REKLAMA!

SHKARKO APP

App Store
Google Play

E fundit!

x

Vrasje në Tropojë, atentat në Shkodër

11 Gusht 2014, 08:17, Aktualitet CNA

Një ngjarje e rëndë u shënua në orët e para të mëngjesit në qytetin e Bajram Currit.

Një person u ekzekutua në mes të qytetit, ndërsa babai i tij mbeti i plagosur.

Mësohet se viktima është Blerim Metaliaj, 20 vjeç, ndërsa i plagosur ka mbetur babai i tij, Rexhep Metaliaj.

Një atentat u shënua sërish mëngjesin e të hënës në rrethin e Shkodrës, por fatmirësisht pa viktima.

Mësohet se persona të paidentifikuar akoma, që udhëtonin me një makinë, kanë qëlluar në drejtim të një lokali në qendër të Shirokës.

Ka raportime se objektiv i atentatit ka qenë pronari i lokalit.

Për fat nuk ka pasur të plagosur, por vetëm thyerje xhamash.

Ndërkohë policia ka zbardhur ngjarjen e djeshme në Shkodër, ku një person u plagos me snajper.

Objektiv i atentatit me snajper nga mali poshtë kalasë ?Rozafa? nuk ka qenë 40- vjeçari Sadedin Lohja, por Xhabir Shega, i zoti i shtëpisë ku ndodhi plagosja.

Shega ka marrë plagë të lehtë në krah dhe nuk është paraqitur në urgjencën e spitalit, por ka marrë mjekimin në banesë.

Ndërsa Sadedin Lohja ndodhet në gjëndje kritike për jetën  në spitalin e Shkodrës.

Pista e hetimit mbetet vrasja e Enver Barbullushit më 6 qershor 2014.

Në këtë ngjarje mbetën të plagosur dhe Nezir Shega djali i xhaxhait të Xhabir Shegës.





Lajmet e fundit nga