web counter
LEXO PA REKLAMA!

SHKARKO APP

App Store
Google Play

E fundit!

x

Durrës/ Arrestohet i dyshuari për grabitjen e argjendarisë te “Selvia”

10 Gusht 2014, 15:40, Aktualitet CNA

Një 23 vjeçar është vënë në pranga nga policia e Tiranës pasi dyshohet se është njëri nga autorët e grabitjes së rradhës në argjendarinë Gold në pronësi të vazjës së Rrapo Sinanit, vrarë gjatë një grabitje të ngjashme.

Policia e kryeqytetit njoftoi se dyshohet se i arrestuari Andrea Bregasi fshihet pas ngjarjes së rëndë regjistruar të mërkurën e javës që po lëmë pas në ?Rrugën e Dibrës?, raporton Ora News.

Sipas policisë 23-vjeçari është kapur në një banesë në Durrës ku ishte fshehur pas grabitjes me armë. Ka qënë në fakt një informacion në rrugë operative që ka ndihmuar uniformat blu për të rënë në gjurmët e autorit të dyshuar dhe menjëherë është organizuar operacioni për arrestimin e Bregasit.

Në momentin e ndërhyrjes policia nuk ka ndeshur në rezistencë dhe i dyshuari nuk ka qënë i armatosur.

Në oborrin e banesës ku ishte fshehur 23-vjeçari policia ka gjetur dhe sekuestruar edhe motorrin që ishte përdorur në grabitjen e gati 50 mijë eurove mall në argjendarinë e Olta Sinanajt e cila mbeti edhe e plagosur nga goditja në kokë me qytën e pistoletës.

Për të identifikuar mjetin policia është ndihmuar nga pamjet e kamerave të sigurisë duke parë detajet e motorit që u përdor në grabitje nga dy autorët e maskuar me skafandra në kokë.

Dëshmia e të ndaluarit pritet të jetë thelbësore për uniformat blu për të arritur edhe tek personi i dytë i përfshirë në grabtien e dhunëshme me armë në mes të Tiranës dhe madje në mes të ditës.

Ngjarja ndodhi në datë 6 gusht kur dy persona me armë hynë në argjendarinë e familjes Sinanaj në ?Rrugën e Dibrës? dhe pasi dhunuan pronaren morën sende me vlerë duke u larguar me armë në dorë në sytë e shumë dëshmitarëve të cilët i kërcënuan duke qëlluar me armë në ajër.





Lajmet e fundit nga