web counter
LEXO PA REKLAMA!

SHKARKO APP

App Store
Google Play

UAT: Vendimi është i habitshëm, çoroditës, i pa justifikuar me asnjë fakt, i pa drejtë, prandaj edhe i papranueshëm.

9 Gusht 2014, 12:23, Aktualitet CNA

Njoftimi i plote i Universiteti Amerikan te Tiranes:

Vendimi i Qeverisë së Shqipërisë për t?i hequr Universitetit Amerikan të Tiranës liçencën e veprimtarisë, na zuri në befasi të gjithëve, si stafin akademik ashtu edhe studentët. Për të gjithë ne, ky vendim është i habitshëm, çoroditës, i pa justifikuar me asnjë fakt, i pa drejtë, prandaj edhe i papranueshëm.

Me këtë rast ne shprehim keqardhjen tonë më të thellë për shqetësimet dhe problemet që ka sjellë ky vendim i padrejtë, për të gjithë e posaçërisht për studentët.

Studentët dhe pedagogët e UAT  janë dëshmitarët më të mirë për seriozitetin që ka ky institucion dhe për vlerat që ai përfaqëson në sistemin e  arsimit të lartë në Shqipëri.

?Krijuar për të bërë ndryshimin? ka qenë sllogani  ynë qysh në themelim dhe që ëndrra të realizohej i kemi shpallur luftë të papajtueshme fiktivitetit. Në këtë ditë të zezë për shkollën tonë, ne sfidojmë qeverinë për të gjetur edhe një rast të vetëm diplome të dyshimtë, lëshuar nga Universiteti Amerikan i Tiranës. 

Në shenjë  respekti ndaj opinionit publik, po sjellim në vëmendje të tij disa nga arritjet më domethënëse të Universitetit Amerikan të Tiranës:

Të  bindur se ëndrra jonë e madhe realizohet vetëm përmes hapjes së universitetit dhe vendosjes së një bashkëpunimi të qëndrueshëm, në kaq pak kohë e kemi anëtarësuar shkollën tonë në disa nga rrjetet më të mëdha universitare të botës së sotme:

Të vetëdijshëm se ne nuk mund të jemi gjykatës të mirë të vetvetes, pranuam të gjykoheshim nga të tjerët:

Me një bilanc të tillë ne kemi qenë dhe mbetemi të parët të interesuar për një reformë të vërtetë në sistemin e arsimit të lartë. Rrjedhimisht, ne nuk mund të pajtohemi me vendimin arbitrar të qeverisë. Vazhdimi i përpjekjeve tona do të jetë në dyert e drejtësisë.

Administratori i Pergjithshem

Lulezim Ndreu





Lajmet e fundit nga