E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Shkeljet e Këshillit Mbikëqyrës të BSH

7 Gusht 2014, 18:46, Aktualitet CNA

Si organi më i lartë vendimmarrës dhe drejtues i Bankës Qëndore, Këshilli Mbikëqyrës si strukturë, është edhe më e cunguara.

Dy anëtarë të bordit mungojnë prej më se një viti, pasi u ka përfunduar mandati, ndërkohë që për 5 vjet rresht banka administrohet pa patur një zëvendësguvernator të dytë, i cili merret posaçërisht me kontrollin e pjesës së ekzekutimit të vendimeve të bordit, raporton Vizion Plus.

Por nuk mjafton me kaq.

Bordi i Bankës së Shqipërisë mblidhet një herë në muaj dhe diskuton për zhvillimet e fundit ekonomike si dhe merr vendime lidhur me normën e interesit të lekut.

Nëse shohim kalendarin e mbledhjeve të Bordit Mbikëqyrës i cili është i publikuar në faqen zyrtare të bankës, shohim se diskutimet aty kanë vetëm një temë: Mbi zhvillimet e fundit ekonomike dhe monetare, si dhe marrja e vendimit të politikës monetare.

Asnjë nga këto tema në fakt nuk ka patur lidhje me diskutimin apo marrjen e vendimeve për mënyrën se si po sigurohen apo ruhen paratë e bankës.

Një element tjetër i cili cenon demokracinë e mbledhjeve të këshillit është se ato nuk regjistrohen, edhe pse kjo ka qenë një kërkesë e anëtarëve në mënyrë që të shihet pozicionimi dhe të dokumentohet qëndrimi i çdonjërit prej tyre.

Argumenti për mosregjistrimin e mbledhjeve ka qenë kursimi dhe përgjegjësia në shpenzime nga ana e bankës, ndonëse qindra milione leke jane harxhuar per veprimtari qe nuk kane te bëjnë fare me bankën.

Serioziteti i këshillit drejtues, vihet në pikëpyetje edhe në rastin e mbledhjes së jashtëzakonshme që u bë në datën 1 gusht, ku shkarkimi i dy drejtorëve Çollaku dhe Elezi nuk kishte fare një rend dite.

Deri më sot kemi parë që bordi i bankës është mbledhur çdo muaj, ku vetëm gjatë vitit të fundit ka ulur 2 herë normën e interesit me synimin kryesor që të rritë kredinë dhe të shtojë konsumin, por në fakt edhe këto vendimmarrje nuk kanë rezultuar të jenë efektive.

Rasti me i fundit u shënua te mërkurën, kur mbledhja u njoftua me urgjence e ku shumica e anëtarëve votuan kundër përfshirjes ne rendin e ditës te propozimit te Ermelinda Meksit për shkarkimin e Fullanit.

Vete banka dezinformoi opinionin publik, duke mos pranuar ketë fakt, por vete zonja Meksi ne një sqarim ne Facebook beri te ditur se kishte kërkuar qe te dilnin përgjegjësitë e te gjithë zinxhirit drejtues te bankës, duke nisur qe nga guvernatori.