E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Florenc Hoxha akuzohet për plagosje, i quan inskenime

6 Gusht 2014, 10:32, Aktualitet CNA

Florenc Hoxha ndodhet sërish në qendër të akuzave për dhunë.

Por, këtë herë akuzohet se ka përdorur edhe armët.

Kreu i Inspektoriatit Ndërtimor Urbanistik në Bashkinë e Tiranës akuzohet se ka plagosur me armë një 40-vjeçar, ngjarje kjo e ndodhur mbrëmjen e djeshme në Priskë..

Ngjarja ndodhi rreth ores 23:20 ne afersi te baneses se kretu te INUV, ndersa i plagosur mbeti Albert Isufi, i cili ka thënë për policine se është qëlluar nga Hoxha dhe truproja e tij, brenda nga banesa.

Në lidhje me ngjarjen, vetë Florenc Hoxha ka kontaktuar televizionin A1 Report ku ka mohuar përfshirjen në këtë situatë.

Sipas tij, gjithçka është një inskenim dhe nuk është qëlluar me armë nga banesa e tij. Ai tha se ishte i plagosuri ai që është konfliktuar me truprojën e tij, pas një tentative sipas Hoxhës, për të ofenduar familjen e kryeinspektorit të INUV.

Kreu i INUV tha se Isufi është dhëndri i kryetarit të Partisë Socialiste të komunës Surrel në Tiranë dhe se sipas Hoxhës, ai është një pijanec.

Menjëherë pas kësaj ngjarje, policia shoqëroi në komisariat gjatë mbrëmjes Florenc Hoxhën, truprojën e tij si dhe 4 persona të tjerë të cilët ndodheshin në banesën e tij. Ata do të merren në pyetje për të hedhur dritë mbi plagosjen.

Por, nga ana tjetër, Hoxha tha për A1 Report se nuk është shoqëruar nga policia, por ka shkuar në komisariat së bashku me të shoqen dhe avokatin e tij për të bërë kallëzim në lidhje me konfliktin e pretenduar prej tij mes truprojës dhe Albert Isufit.

Ngjarja mbetet ende e paqartë dhe pritet të sqarohet në orët në vijim, ndërsa policia shprehet se dyshohet që konflikti të ketë ndodhur për një çështje pronësie.

I plagosuri ndërkohë ndodhet në spital, jashtë rrezikut për jetën.

?Sot filloi proçedimi penal dhe punohet për sqarimin e rrethanave të ngjarjes, pasi dje rreth orës 23.00, në Fushë Farkë, komuna Dajt është plagosur me armë zjarri shtetasi Ylber Isufaj, 40 vjec, ku dyshohet se është konfliktuar për motive pronësie me shtetasit Florenc.H, dhe me shtetasin Sulejman.I.

Shtetasi i dëmtuar Ylber Isufaj është dërguar në Spitalin Ushtarak dhe ndodhet jashtë rrezikut për jetën. Aktualisht po punohet për sqarimin e plotë të rrethanave të ngjarjes?, thuhet në njoftimin e policisë.