web counter
LEXO PA REKLAMA!

SHKARKO APP

App Store
Google Play

Si u shtua pasuria e Fullanit pas emërimit të tij si Guvernator

5 Gusht 2014, 09:45, Aktualitet CNA

Guvernatori i Bankës së Shqipërisë, Ardian Fullani ka ndryshuar cilësinë  e jetesës së tij menjëherë pasi mori këtë pozicion në vitin 2004.

Në fund  të vitit 2013 guvernatori i Bankës së Shqipërisë figuron me 24 213 325 lekë llogari rrjedhëse, 3 milionë lekë cash, katër shtëpi banimi, një në Bllok, një në Golem, dy në Tiranë, ndërsa ka përfituar 35% të sipërfaqes së ndërtuar nga toka prej 3800 metrash katrorë në farkë të Madhe e blerë me 220 euro në vitin 2008.

Pas marrjes së detyrës  si guvernator në vitin 2004, në llogarinë e tij modeste bankare, shtohet një shumë prej 40 mijë dollarësh. Ai shlyen kredinë prej 200 mijë dollarësh që kishte marrë për shtëpinë, pasi kishte shlyer një pjesë të vogël të saj përmes një kredie nga Banka e Shqipërisë, kredi që vazhdon ta paguajë akoma.

Viti më i sukseshëm për Guvernatorin duket se është 2008.

Ai bën investime në prona të paluajtshme. Blen një sipërfaqe toke prej 3800m2 në Farkën e Madhe me një shumë prej 22 mijë eurosh. Ndërkohë ka shitur edhe shtëpinë në Golem dhe me paratë që tashmë kishte mbledhur arrin ta shlyej pa pasur nevojën e një kredie.

Kursimet e Fullanit shtohen me rreth 6 milionë lekë të rinj në vit, të cilat i depoziton në një llogari rrjedhëse, ndërsa paga e tij bashkë me shpërblimet dhe dietat arrin në afro 10 milionë lekë në vit.





Lajmet e fundit nga