E fundit!

08:06 Kosova & Bota

SHBA-të nisin sulme të reja ndaj Iranit/ Trump paralajmëron Teheranin: Sillu mirë

Shtetet e Bashkuara kanë ndërmarrë një valë të re sulmesh ...

Al Jazeera ne Lazarat

3 Gusht 2014, 12:27, Aktualitet CNA

Familjet lazaratase,jokultivuese të bimëve narkotike janë vlerësuar zyrtarisht nga Komuniteti Mysliman i Shqipërisë.

Kreu i këtij komuniteti, Skënder Brucaj, ka zhvilluar mesditën e së shtunës një vizitë në fshatin Lazarat, ku kontaktoi me 40 përfaqësues të atyre familjeve lazaratase, që nuk iu bashkuan masivizimit të mbjelljes së bimëve narkotike, ashtu si qindra familje të tjera në këtë fshat, dikur hambar i Shqipërisë për marijuanë, raporton Ora News.

Fillimisht Brucaj ka vizituar xhaminë e fshatit i shoqëruar nga myftiu i Gjirokastrës, Ledijon Cikalleshi, ndërsa ka zhvilluar takime me kreun e Komunës së Lazaratit Dashmir Aliko, kryepleqësinë e fshatit, si dhe besimtarë të tjerë të komunitetit mysliman në Lazarat.

?Ne si Komuniteti Mysliman i Shqipërisë dhe unë personalisht, përshëndesim një grup familjesh myslimane të këtij fshati të cilët në emër të besimit tek Zoti, nuk kultivuan bimë narkotike?-i është drejtuar Brucaj, kryekomunarit lazaratas, si dhe besimtarëve të pranishëm në ceremoninë e pritjes në xhaminë e fshatit.

Gjatë fjalës së vet Brucaj ka shprehur mbështetjen për banorët e Lazaratit dhe zhvillimin e fshatit.

?Komuniteti Mysliman i Shqipërisë do të mbështesë banorët e fshatit Lazarat, duke shërbyer si pikë kontakti për projekte të ndryshme zhvillimi që mund të zbatohen në këtë fshat?.

Përgjatë vizitës së Brucajt në Lazarat është gjendur edhe një grup xhirimi i rrjetit më të madh televiziv të Katarit, Al-Jazeera. Përfaqësues të këtij grupi xhirimi kanë pranuar se ardhja e tyre në fshatin Lazarat, ka për qëllim, realizimin e një dokumentari i cili do të ketë në epiqendër Lazaratin e pasndërhyrjes së Policisë së Shtetit.

?Veçantia e dokumentarit është se tashmë ai paraqet një fshat normal, ku njerëzit e sigurojnë jetën me punë të ndershme. Në dokumentarin tonë ne do t?i kushtojmë një vend të veçantë grupit të besimtarëve në këtë fshat, të cilët nuk kultivuan bime narkotike?, pohuan pjesëtarët e grupit të xhirimit të Al Jazeera.