E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Arrestohen dy shtetas grekë kërkonin ar në Shqipëri

1 Gusht 2014, 10:12, Aktualitet CNA

Arrestohen dy shtetas grekë në pikën kufitare të Tre Urave në Përmet. Policia e Gjirokastrës gjatë një kontrolli rutinë në mjetin tip ?Citroen? me targa greke KOZ6800 në të cilin udhëtonin shtetasit Stavros Varnitzionis dhe Kristo Krisafiadhis gjeti dhe sekuestroi një armë zjarri, pushkë sëbashku me 45 saçme për armë gjahu.

Arma ishte fshehur në sediljen e pasme, ndërsa mësohet se bashkë me të është gjetur dhe një aparaturë elektronike që shërben për identifikimin e metaleve të çmuara në thellësi. Kjo hedh dyshime mbi misionin e vërtetë të shtetasve grekë në jug të vendit.

Dy grekët të cilët ishin futur në vendin tonë një javë më parë, dyshohet se në bashkëpunim me njëri-tjetrin po zhvillonin ekspeditë për zbulimin e sasive të floririt në jug të vendit.

Ndërkaq mësohet se blutë e Gjirokastrës kanë thirrur në ndihmë ekspertë për të zbuluar nëse mund të ketë sasi floriri të fshehura në mjet, pasi gjatë kontrollit nga policia nuk është mundur të identifikohet diçka e tillë.Materialet do ti kalojnë Prokurorisë së Krimeve të Rënda për hetime të mëtejshme.

?Efektivat e Policisë Kufitare të Pikës Kufitare Tre Urat Carshovë Përmet të Drejtorisë Rajonale për Kufirin dhe Migracionin Gjirokastër, gjatë kontrollit të automjeteve në vijën e dytë të automjetit tip Citroen me targa Greke KOZ 68 00 , që drejtohej nga shtetasi grek Kristo Krisafiadhis, i datëlindjes 1952 ,nga Kavalla Greqi, kanë konstatuar se poshtë sediljes së pasme ishte fshehur një armë zjarri pushkë dhe 45 fishekë për armë gjahu. Gjithashtu po gjatë kontrollit u gjet edhe një aparat që shërben për të kërkuar ar.Arma e zjarrit , fishekët e gjahut dhe aparati i floritit janë sekuestruar në cilësinë e provës materiale. Në automjet ushëtonte si pasagjer edhe një shtetas grek Stavros Varnitzionis, i datëlindjes 1960, banues në Krysupolis Kavalla Greqi. I arrestuar nga Specialistët e Seksionit Kundër Trafiqeve të Paligjshme në Drejtorinë e Policisë së Qarkut Gjirokastër në përfundim të veprimeve proceduriale hetimore?, thuhet në njoftimin zyrtar të policisë.