web counter
LEXO PA REKLAMA!

SHKARKO APP

App Store
Google Play

Ja axhenda e Papa Françeskut në Shqipëri

31 Korrik 2014, 11:19, Aktualitet CNA

Publikohet axhenda e vizitës njëditore të Papa Françeskut në Shqipëri, më 21 shtator. Ati i Shenjtë do të niset nga Roma në orën 07:30 të datës 21.09.2014 dhe pritet të mbërrijë në aeroportin ?Nënë Tereza?, në orën 09:00, ku do të pritet në një ceremoni shtetërore nga Kryeministri Edi Rama. 

Menjëherë pas mbërritjes në Tiranë është parashikuar një pritje zyrtare në orën 09:30 në Presidencë.

Në orën 10:00 Ati i Shenjtë do të mbajë Meshën e Shenjtë në sheshin ?Nënë Tereza?. 

Në orën 13:30 Papa Françesku do të ketë një drekë me Ipeshkvitë shqiptarë dhe më pas do të takojë edhe krerët e besimeve të tjera në Shqipëri.

Në orën 17:00 do të kremtohet lutja mbrëmësore në Katedrale.

Në 18:30 Papa do të takojë fëmijët e qendrës ?Betania? në Fushë-Krujë dhe në orën 19:45 do të zhvillohet ceremonia e përcjelljes së Papës në aeroport.

Ati i Shenjtë niset drejt Romës nga aeroportin ?Nënë Tereza?në orën 20:00. 

Në kuadër të vizitës së Papa Françeskut në Shqipëri, në 21 shtator 2014, sheshi ?Nënë Tereza? do të ndryshojë tërësisht pamje. Këshilli Bashkiak i Tiranës vendosi akordimin e fondit prej 332 milionë lekësh për ndërhyrjen dhe rivitalizimin e sheshit ?Nënë Tereza?, si dhe dhënien e titullit ?Qytetar Nderi? i Tiranës, Atit të Shenjtë. 

Në këtë vizitë, e para në Europë për 2014, Papa Francesku do të shoqërohet nga të paktën 70 gazetarë të huaj.





Lajmet e fundit nga