E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

61 bashkite e vendit

2 Gusht 2014, 13:56, Aktualitet CNA

Reforma administrativo-territoriale, e miratuar të enjten në Kuvend, e përcaktuar si një prioritet kyç i programit qeverisës 2013-2017, synon përmirësimin e cilësisë së shërbimeve publike vendore përmes rritjes së efikasitetit të tyre, por dhe aksesit të qytetarëve në to, si dhe fuqizimit të njësive vendore të cilat janë shumë të fragmentuara dhe joefikase në ofrimin e shërbimeve.
Harta e re administrativo-teritoriale e ndan Republikën e Shqipërisë në 12 qarqe dhe 61 bashki. Nga ky organizim i ri i territorit konstatohet se ndarja në nivel qarqesh mbetet e pandryshuar. Rrethi, si njësi territoriale dhe nënndarje e qarkut, është suprimuar, në kushtet kur numri i bashkive është zvogëluar në 61 të tilla.
Në disa raste territori i bashkive të reja, përkon dhe me kufijtë e rretheve, ndërsa mesatarisht çdo qark përbëhet nga 5 deri në 6 bashki. Me këtë konfigurim të ri të territorit shihet e arësyeshme që të hiqet ndarja në rrethe si njësi territoriale.
Niveli i parë i qeverisjes vendore propozohet të riorganizohet me 61 njësi vendore, nga 373 bashki e komuna që janë aktualisht. Ndarja administrativo-territoriale me 61 bashki bazohet në metodologjinë e ?zonave funksionale?. Ky term nënkupton njësinë vendore, e organizuar rreth një qendre urbane, që ka numrin më të lartë të popullsisë krahasuar me qendrat e tjera brenda zonës, dhe po ashtu ka mundësi të ofrojë një gamë të plotë të shërbimeve publike që duhet të ofrojë një njësi vendore.
Në krijimin e 61 bashkive të reja janë bashkuar bashki dhe komuna ekzistuese, të cilat janë një zonë funksionale nga pikpamja e kritereve teknike të miratuara nga komisioni i posaçëm parlamentar. Në këtë rast koncepti i njësive të reja vendore presupozon hapësira administrative të mëdha nga pikpamja e territorit dhe e popullsisë, që përfshin si zonat urbane ashtu dhe ato rurale, duke lejuar një harmonizim të politikave zhvillimore dhe dule ulur pabarazitë e thella që ekzistojnë në ofrimin e cilësisë së shërbimeve, mes zonave urbane dhe rurale.
Ligji i ri i ndarjes territoriale, i miratuar më 31 korrik në Kuvend, në nenin tre të tij përcakton se ?organet e njësive vendore, të konstituuara pas zgjedhjeve lokale të vitit 2011 dhe me juridiksion territorial sipas ndarjes administrativo-territoriale, të vitit 2000 do të vazhdojnë funksionimin e tyre deri në konstituimin e organeve përfaqësuese dhe ekzekutive të njësive të qeverisjes vendore në zgjedhjet e vitit 2015.
Zgjedhjet e ardhshme lokale do të organizohen dhe zhvillohen mbi bazën e ndarjes administrativo-territoriale të përcaktuar me ligjin e ri, ndërsa organet vendore që do të konstituohen pas këtyre zgjedhjeve do të organizohen dhe funksionojnë bazuar në ndarjen e re administrative.

Më poshtë vijon renditja e 61 njësive vendore sipas ndarjes së re administrativo-territoriale:

1. Malësi e Madhe
2. Shkodër
3. Vau i Dejës
4. Fushë Arrës
5. Pukë
6. Tropojë
7. Has
8. Kukës
9. Mirditë
10. Mat
11. Klos
12. Lezhë
13. Kurbin
14. Dibër
15. Bulqizë
16. Durrës
17. Krujë
18. Shijak
19. Vorë
20. Tiranë
21. Kamëz
22. Kavajë
23. Elbasan
24. Librazhd
25. Belsh
26. Cërrik
27. Gramsh
28. Prrenjas
29. Peqin
30. Rrogozhinë
31. Pogradec
32. Maliq
33. Korçë
34. Pustec
35. Devoll
36. Kolonjë
37. Divjakë
38. Lushnje
39. Fier
40. Patos
41. Roskovec
42. Mallkaster
43. Berat
44. Kuçovë
45. Urë Vajgurore
46. Poliçan
47. Skrapar
48. Përmet
49. Këlcyrë
50. Vlorë
51. Selenicë
52.Himarë
53. Tepelenë
54. Memaliaj
55. Gjirokastër
56. Libohovë
57. Delvinë
58. Dropull
59. Sarandë
60. Livadhja
61. Konispol