E fundit!

07:20 Ekonomi

Kursi i këmbimit, 16 korrik 2026

Këtë të enjte një dollar amerikan blihet me 81.1 lekë ...

Disha: Protestat nuk ndalen deri në largimin e Fullanit

4 Gusht 2014, 14:21, Aktualitet CNA

Interviste ekskluzive Zirkon Dishësh, për radio City FM dhe www.cityfm.al. Drejtuesi kryesor i protestave të Nëntorit dhe iniciator i protestave qytetare kundër Guvernatorit Adrian Fullani. Ai shprehet se nuk ka kthim prapa, protesta do vazhdojë deri në dorëheqjen e Guvernatorit, imazhi I Bankës së Shqipërisë pastrohet vetëm me largimin e tij, thekson Disha.

Cfarë rezultati dha protesta sot??

Ështe heret për të folur për rezultatin, por ishte një protestë e qartë dhe pastër qytetare. Zëri dominues ishte ai i qytetareve të indinjuar nga megaskandali i vjedhjes. Besoj se me anë të kësaj proteste është arritur sensibilizimi i një numri më të madh qytetarësh që do ti bashkohen protestës në ditët në vijim. Unë jam i kënaqur me pjesëmarrjen dhe qëndrimin që shprehën qytetarët ndaj këtij megaskandali.

Sa kohë do vazhdoni me protestën tuaj???

Protesta do të vazhdojë gjatë gjithë javën, nesër të martën në 12 dhe në vazhdim, nuk do të ndalemi deri në largimin apo dorëheqjen e Guvernatorit Fullani. Nëse Guvernatori nuk jep dorëheqjen, do të ftojmë qytetarët ti adresohen mbledhjes së një séance të jashtëzakonshme të parlamentit. Aty ndoshta do të mund të kuptojmë, cili është roli dhe detyra e deputeteve, ministrive dhe qeverisë. Guvernatori ka humbur besimin e qytetarëve, ndaj ai duhet të japë dorëheqjen një orë e më parë. Banka duhet të rehabilitoj imazhin e dëmtuar nga ky skandal, dorëheqja e Guvernatorit është hapi parë.

Sipas jush pse hesht poltika?

Nuk mund të di arsyen e vërtetë, për këtë duhen pyetur politikanët. Në perceptimin tim, duket se Guvernatori ka një pushtet më të madh përderisa politkanët janë kaq të rezervuar për të folur për këtë skandal. Duket sikur jemi në një Banko-Kraci dhe jo Demokraci! Një guvernator që bën të hesht 140 deputetët do të thotë që ekzistenca e deputetëve është formale, pasi vendimet merren nga drejtuesi i BSH. Është vjedhur pasuria kombëtare, paratë e shqiptarëve, zëri i deputetëve pavaresisht pushimeve duhej të kumbonte, duhej!

Ku ndryshon kjo proteste nga ajo e nëntorit??

Kjo protestë sapo ka nisur, ndryshimin mund ta shohim në fund.

www.cityfm.al