web counter
LEXO PA REKLAMA!

SHKARKO APP

App Store
Google Play

E fundit!

x

Grabitet për herë të katërt argjendaria

6 Gusht 2014, 17:57, Aktualitet CNA

Një argjendari u grabit nga të paktën dy persona të armatosur paraditen e sotme në qendër të Tiranës, në zonën pranë Selvisë.

Sipas policisë, grabitja mendohet se është kryer nga dy persona me motor.

Grabitja është kryer brenda pak minutash, ndërsa motori me të cilin janë larguar grabitësit nga vendngjarja ishte pa targa.

Autorët kanë qëlluar me qytën e armës pronaren e argjendarisë, e cila është vajza e Rrapo Sinanajt, i cili mbeti i vrarë 3 vite më parë gjatë një grabitjeje të argjendarisë, ndërsa policia arrestoi Viktor Gushin si autorin e ngjarjes së rëndë të ndodhur në tetor të 2011.

Policia bëri të ditur se njëri nga personat e armatosur ka hyrë në argjendari dhe ka grabitur sende me vlere, por ende nuk ka një të dhënë të saktë mbi vlerën e grabitjes.

Pasi kanë kryer grabitjen, personi i maskuar në dalje të argjendarisë ka qëlluar dy herë në ajër me armë, për të trembur kalimtarët.

Policia ka sekuestruar kamerat e sigurisë së argjendarisë për të parë nëse mund të zbulojë detaje të tjera në lidhje me autorët.

Argjendaria është grabitur edhe 3 herë të tjera në vitet e fundit.





23:43 Aktualitet

Garuzhdja Fullani

Nga Bledi ManePublic Enemyfb.com/bledi.manetwitter.com/bledi...

Lajmet e fundit nga