E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga artilieri Petraq Milo tek doktorantja e Çilit, ja linja e parë e mbrojtjes së Fullanit

8 Gusht 2014, 09:05, Aktualitet CNA

Anëtarët e Këshillit Mbikëqyrës të Bankës së Shqipërisë i kanë thënë jo me një votim 6-1 kundër, propozimit të ish-deputetes së Partisë Socialiste dhe Profesoreshës Ermelinda Meksi për shkarkimin e Guvernatorit Ardian Fullani pas skandalit të vjedhjes së thesarit të bankës ku përgjegjës direkt është këshilli dhe Guvernatori.

I shtati ka qenë Fullani që ka votuar kundër shkarkimit të vet

Këshilli Mbikëqyrës i BSH-së ka shtatë anëtarë dhe pjesa dërrmuese e tyre është zgjedhur në vitin 2011. Me ndonjë përjashtim të vogël si Ela Golemi, e cila është duke marrë gradën doktor tek universitetit Henri Çilit, të gjithë të tjerët janë gra dhe burra me shumë tituj dhe grada shkencore, por që nuk e panë të udhës të marrin parasysh shqetësimin publik mbi skandalin në Bankën e Shqipërisë duke shkarkuar Fullanin të paktën.

Nuk jemi aq naiv sa të besojmë së vetëm këta të gjashtë janë mbrojtësit e Guvernatorit që në sytë e publikut nuk është më i tillë siç do të shprehje edhe Mero Baze. Kemi parë tashmë që e gjithë politika me ndonjë përjashtim të vogël dhe ndonjë zë të mekur kundër, janë pro Fullanit, por këta të gjashtë janë vija e parë mbrojtëse e Fullanit dhe duket sikur e kanë bërë me urdhër.

Petraq Milo

Referuar jetëshkrimit të tj zyrtar, diplomën e parë, Petraq Milo e ka marrë në Shkollën e Lartë të Bashkuar si oficer instruktor i artielierisë tokësore në vitin 1981. Më pas, me hyrjen e demokracisë i është futur ekonomisë duke studiuar në Universitetin e Tiranës, kurse studimet pasuniversitare i ka zhvilluar në Francë. Milo është ish-anëtar i KOP-it të Berishës në vitin 2005 dhe që atëherë ka qenë kryekëshilltari i tij për çështjet ekonomike.

Milo është përfolur si kandidat për president në periudhën kur u zgjodh Nishani, ndërsa media e akuzuar shpesh për ndikim në dhënie licencash për HEC-e duke shfrytëzuar aksesin tek Berisha.

Milo u bë anëtar i Këshillit të Mbikëqyrjes së BSH në vitin 2011 duke e mbajtur një këmbë në BSH dhe një këmbë në Kryeministri si këshilltar i Berishës.

Elisabeta Gjoni

Para se të ulej në një tavolinë me Fullanin, si anëtare e Këshillit Mbikëqyrës të BSH dhe njëkohësisht zv.Guvernatore në vitin 2011, Gjoni ka mbajtur që nga viti 2006 pas ardhjes së Berishës në pushtet, postin e Kryetares së Autoritetit të Mbikëqyrjes Financiare. Njihet rëndom si autoriteti që kontrollon tregun e sigurimeve dhe letrave me vlerë. Kontrollon i thënçin se kompanitë e sigurimeve e kanë kapur prej fyti me kohë AMF-në, aq sa është detyruar të çertifikojë çmimet e kërkuara nga kompanitë. Shqip dhe troç, Gjoni me të sajët ka marrë një rrogë qyl gjatë punës në AMF gjatë 2006-2011.

Ka një kualifikim të bollshëm dhe karrierë dhe që duhet pasur zili, por kualifikimi profesional nuk ndikoka tek ai moral për të dhënë po shkarkimit të një Guvernatori zullumqar si Fullani.

Ela Golemi

Doktorantja e Henri Çilit ka ardhur në tavolinën e Fullanit si anëtare e Këshillit të Mbikëqyrjes së Bankës së Shqipërisë si me katapultë nga banka Credins, filiali Durrës. Është gjithashtu lektore me kohë të pjesshme në Universitetin e Durrësit.

Gjatë fillimit të viteve ?90 ka punuar si ekonomiste në kompani të ndryshme, ndërsa në vitin ?98 është punësuar në Tirana Bank, filiali Durrës.

Dhori Kule

Kush nuk e njeh Kulen?! Kandidat për deputet i PD në Berat. Rektor i Universitetit të Tiranës. Demokrat i flaktë dhe besnik i ish-Kryeministrit Berisha. Është katapultuar në tavolinën e Fullanit si kandidaturë e propozuar nga PD për këtë këshill me sugjerim të Berishës. Ka një karrierë të gjatë dhe cilësore në sistemin arsimor shqiptar, por megjithatë kjo nuk i shërbeu për t?i thënë Fullanit IK. Normal, nuk mund të dilte kundër qëndrimit të të zotërve që e dërguan aty.

Adrian Civici