web counter
LEXO PA REKLAMA!

SHKARKO APP

App Store
Google Play

E fundit!

x

Fullani dhe anëtarët e bordit do thirren në Prokurori

8 Gusht 2014, 13:21, Aktualitet CNA

Shtatë anëtarët e Këshillit Mbikqyrës të Bankës së Shqipërisë do të thirren për t?u pyetur, për shkak të pozicionit të detyrës që kanë, për llogari të hetimeve të nisura mbi skandalin e vjedhjes së 713 milionë lekëve.

Informacioni konfirmohet për Top Channel në rrugë zyrtare nga Prokuroria e Tiranës, e cila në fakt nuk publikon afatin kohor se kur do t?i thërrasë anëtarët e organit më të lartë dhe mbikqyrës të politikave, administrimit dhe operacioneve të Bankës së Shqipërisë.

Anëtarët e Këshillit Mbikqyrës janë: kryetari i këtij Këshilli, Ardian Fullani, në detyrën e guvernatorit të Bankës së Shqipërisë; Elisabeta Gjoni, zëvendës/kryetare, dhe anëtarët Petraq Milo, Dhori Kule, Ela Golemi, Ermelinda Meksi dhe Ardian Civici.

Thirrja e tyre në Prokurori parashikohet të bëhet për shkak se njësia Task-Forcë në Prokurorinë e Tiranës po përpiqet të hedhë dritë dhe të verifikojë përgjegjësitë për administrimin dhe organizimin e punës, si dhe zbatimin e kuadrit ligjor dhe nënligjor, që rregullon veprimtarinë e Bankës së Shqipërisë, aq më tepër që deri më tani është konluduar se në Departamentin e Thesarit, ku dhe ndodhi vjedhja, mungonte infrastruktura për mirëfunksionimin e Arkave Stok dhe Tranzit, boshllëk i cili ka shkatuar supervjedhjen.





Lajmet e fundit nga