E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Prokuroria: Punonjësit e Thesarit kanë punuar pa rregullore

8 Gusht 2014, 12:25, Aktualitet CNA

Prokuroria e Përgjithshme ka publikuar një raport të përgjithshëm në lidhje me hetimin e zhvilluar deri më tani për vjedhjen e Bankës së Shqipërisë.

Prokuroria ka shpjeguar edhe një herë skemën e vjedhjes nga Ardian Bitraj, i cili futej i vetëm në dhomën e thesarit, dhe merrte paratë.

Sipas raportit të prokurorisë, punonjësit e Thesarit nuk kanë pasur një rregullore pas transferimit në Linzë, çka ka favorizuar Bitrjan në vjedhjen e kryer.

?Nga procesverbalet e marrjes së provave materiale, në lidhje me dokumetacionin ligjor (aktet ligjore e nënligjore, vendime, urdhëra dhe udhëzime) që ka funksionuar Departamenti i Emisionit në Bankën e Shqipërisë konkludohet se:

Rezulton e provuar se Departamenti i Emisionit është zhvendosur në repartin ?X? Linzë në Janar 2013, në përbërje të të cilit funksionojnë krahas të tjerave, edhe të ngarkuarit me vlera në arkën për veprim dhe në arkën stok.

Në këtë departament është shtuar dhe dhoma tranzit.

Por pavarësisht se kanë vazhduar funksionimin si arka për veprim, arka stok dhe dhoma tranzit, organizimi i punës në këto tre arka nuk është shoqëruar me miratimin e akteve nënligjore, si udhëzime apo rregullore, por ka vazhduar me rregulloret e vjetra, e konkretisht me vendimin e këshillit mbikqyrës Nr.04 datë 16.01.2012 ?Për organizimin dhe funskionimin e Departamentit të Emisionit?, si edhe udhëzimit Nr.1798 datë 06.11.2001 ?Mbi përdorimin e celësave të arkave me vlera monetare?..

Sic konstatohen, këto akte nënligjore nuk e kanë rregulluar funksionimin e Departamentit të Emisionit, e si rezultat i mungesës së këtyre akteve është mundësuar dhe kryerja e veprimeve kriminale, vjedhjes së shumave të mëdha në Bankën e Shqipërisë.

Urdhëri Nr.1798 datë 06.11.2001 i Bankës së Shqipërisë, mbi bazën e të cilit ka funksionuar Departamenti i Emisionit deri në datë 28.03.2014 (dalja e udhëzimit Nr. 741), flet për çelësa ?dublikatë? dhe jo për çelësa ?aktiv?.

Siç shihet, ky udhëzim nuk rregullon asnjë procedurë mbi përdorimin dhe administrimin e çelësave aktiv dhe kodeve të kombinatorëve numerikë?.

Për sa më sipër, provohet se Departamenti i Emisionit nga data 01.01.2013 deri në datë 28.03.2014, në kohën që drejtohej nga shtetasi nën hetim Dorian Çollaku, ka funksionuar pa udhëzime e rregullore konkrete?, thuhet në raporton e prokurorisë.

Sipas prokurorisë, aktualisht, veprimet hetimore po vijojnë dhe janë përqëndruar në të paktën katër çështje kryesore:

1. Verifikimin e plotë të mekanizmit të vjedhjes;

2. Destinacionin e shumës së vjedhur;

3. Hetimin pasuror mbi personat e dyshuar si të përfshirë në këtë ngjarje;

4. Verifikimin e përgjegjësive për administrimin/organizimin e punës, si edhe për zbatimin e kuadrit ligjor dhe nënligjor që rregullon veprimtarinë e këtij institucioni.