web counter
LEXO PA REKLAMA!

SHKARKO APP

App Store
Google Play

E fundit!

x

Bitraj vidhi 8 arka prerje 5 mije leke

11 Gusht 2014, 08:12, Aktualitet CNA

Veprimet e Ardian Bitrajt për vjedhjen e Bankës së Shqipërisë janë filmuar nga kamerat e brendshme që ndodhen brenda Arkës Stok, aty ku edhe janë vjedhur paratë.

Burime pranë organit hetimor bëjnë me dije se nga këqyrja e depozitës së parave në Arkën Stok, ku Bitraj ka vjedhur një sasi të madhe kartëmonedhash për katër vjet rresht, rezulton se pjesa më e madhe e veprimeve të tij janë të dokumentuara, por jo të gjitha veprimet janë monitoruar, pasi kamerat e brendshme nuk bëjnë monitorim 24- orësh, siç bëjnë kamerat e sigurisë të vendosura në korridoret e Departamentit të Emisionit, ku ndodhet edhe hyrja e derës-kasafortë.

Burime jozyrtare nga organi i akuzës sqarojnë për ?GSH?-në se nga procesverbali i këqyrjes në Arkën Stok, dyshohet se Adrian Bitraj për katër vite me radhë, ka boshatisur tri arka me kartëmonedha, ndërkohë që janë prekur 8 të tilla,në të cilat kanë rezultuar dëmtime.Sipas hetimeve rezulton se Bitraj nuk ka  prekur monedhat me prerje 10 mijëshe dhe 20 mijëshe , por vetëm prerjet 50-mijëshe.

Të njëjtat burime bëjnë me dije se tri arkat që janë boshatisur, Bitraj i ka mbushur me blloqe dhe letra të ndryshme, të cilat i fuste në bankë me argumentin se ishin furnizim për punën e përditshme në institucionin ku ai punonte

Deri tani mendohet se personi kyç në këtë vjedhje ka hyrë në Arkën Stok, ku ka marrë edhe pjesën më të madhe të parave, dhe më pas i ka futur ato në trup. Pas kësaj, Bitraj ka zëvendësuar paratë që ka marrë nga arkat, me letrat që kishte sjellë nga jashtë dhe, i sigurt që nuk ishte dalluar nga askush, është drejtuar tek tualetet e Thesarit, ku i ka futur paratë e vjedhura në thasë.





Lajmet e fundit nga