web counter
LEXO PA REKLAMA!

SHKARKO APP

App Store
Google Play

E fundit!

x

Bie padia ndaj Tahirit ne gjykate, shpezimet Noka e Ristani. Pritet apelimi

25 Korrik 2014, 15:20, Aktualitet CNA

Rrezohet nga Gjykata e Shkalles se Pare padia kunder ish deputetit Saimir Tahiri, aktualisht Minister i Puneve te Brendshme nje padi e ngritur nje vit me pare ne muajin prill. Paditesit Flamur Noka dhe Arben Ristani do paguajne shpenzimet e gjyqit. Mesa duket dhe gjykatat po ndryshojne drejtim. Me poshte disa pjese te vendimit te gjykates.

PADITES: Flamur Dalip Noka, banues në Tiranë, rruga ?Sami Frashëri? pall. ?Perxhola? shk.2, ap. 2, përfaqësuar në gjykim nga av. Erinda Ballanca dhe Av. Erinda Ismailaj me prokurën e posaçme nr. 452 rep, 218 kol, datë 17.06.2013.

Arben Petrit Ristani banues në Tiranë, rruga ?Prokop Myzeqari? pall. 56, shk.1, ap.26, përfaqësuar në gjykim nga Av. Erinda Ballanca dhe Av. Erinda Ismailaj me prokurën e posaçme nr. 894 rep, 378 kol, datë 17.06.2013.

TE PADITUR: Saimir Tahiri, banues në Tiranë, me adresë njoftimi selia e Partisë Socialiste, përfaqësuar në gjykim nga Av.Ines Dani me prokurën e posaçme nr.813 rep. 298/1 kol. datë 16.11.2013 dhe Av. Julian Vezi me prokurën e posaçme nr. 2290 rep. nr.571/1 kol. datë 11.06.2014. 
OBJEKTI: Detyrimin e palës së paditur të shpërblejë dëmin jashtë kontraktor paditësave, përkatësisht : Z. Flamur Noka në masën 5,000,000 lekë dhe Z. Arben Ristani në masën 1,00,000 lekë.

BAZA LIGJORE: Neni 3, 15/1, 42 i Kushtetutës së Republikës së Shqipërisë, neni 10 i Konventës Europiane për të drejtat dhe liritë themelore të njeriut, Nenet 608, 609, 617 dhe 625/a të Kodit Civil të Republikës së Shqipërisë, nenet 32 e vijues të K.Pr.Civile.

Në përfundim të gjykimit të zhvilluar pas administrimit të provave të nevojshme, përfaqësuesja e paditësave kërkoi pranimin e padisë, përfaqësuesi i të paditurit kërkoi rrëzimin e padisë. 
Gjykata mbasi shqyrtoi aktet dhe shqyrtoi çështjen në tërësi;

V Ë R E N

Se paditësit Flamur Noka dhe Arben Ristani, me padinë drejtuar gjykatës kanë kërkuar detyrimin e të paditurit Saimir Tahiri të shpërblejë dëmin jashtë kontraktor përkatësisht në shumat 5,000,000 lekë dhe 1,000,000 lekë. Padia e tyre është paraqitur me datë 30.04.2013, kohë në të cilën ata kanë mbajtur funksionet politike në qeveri përkatësisht : paditësi Flamur Noka Ministër i Brendshëm dhe paditësi Arben Ristani Zëvendës Ministër i Brendshëm, ndërsa i padituri Saimir Tahiri ka qënë deputet i opozitës, Partisë Socialiste.

PËR KËTO ARSYE

Gjykata në mbështetje të neneve 306 e vijues të K.Pr.Civile

V E N D O S I

Rrëzimin e padisë së paditësave Flamur Noka e Arben Ristani si të pambështetur në ligjë e në prova.

Shpenzimet gjyqësore i ngarkohen paditësave.

Kundër këtij vendimi lejohet ankim në Gjykatën e Apelit Tiranë brenda 15 ditëve, nga e nesërmja e shpalljes së vendimit. Për palët në mungesë në shpallje ky afat fillon nga data e komunikimit të vendimit.

U shpall në Tiranë më datë 09.07.2014.

S E K R E T A R E G J Y Q T A R E

XHEVRIJE ZELA FIDA OSMANI

Shpenzime gjyqësore
Taksë padie 30,000 lekë





Lajmet e fundit nga