web counter
LEXO PA REKLAMA!

SHKARKO APP

App Store
Google Play

Ministria e Brendshme kallëzon në Prokurori ish-drejtuesit e Gardës

25 Korrik 2014, 13:45, Aktualitet CNA

Ministria e Brendshme kallëzoi në Prokurori dy ish-drejtuesit e Gardës së Republikës, Ndrea Prendin dhe Artan Hoxhën për shpërdorim detyre.

Ata akuzohet se kanë firmosur për pagat e ish-shefes së Burimeve Njerëzore, megjithëse ajo jo vetëm nuk ka shkuar në punë, por ka qenë jashtë Shqipërisë.

Shkelja u zbulua nga Auditi i Ministrisë së Brendshme.

Burime zyrtare thanë se Shqipe Spahiu, që mbante detyrën e shefes së Burimeve Njerëzore ka përfituar padrejtësisht pagë dhe trajtime të tjera që rrjedhin nga paga në periudha të ndryshme në vitet 2010, 2011, 2012 dhe 2013. Vëtëm në vitin 2013, ajo rezulton se ka marrë 7 muaj pagë pa qenë në detyrë.

Nga verifikimet e kryera nga Auditi i MPB-së pranë Gardës së Republikës, rezultoi se Shqipe Spahiu për këto periudha nuk ka qenë në Shqipëri megjithëse sipas list-prezencës dhe list-pagesës së Bankës, rezulton të ketë përfituar pagat.

Për këtë arsye u kallëzuan penalisht pranë Prokurorisë së Rrethit Gjyqësor Tiranë, për konsumim të elementëve të veprës penale ?Shpërdorim detyre? dhe ?Përfitim nëpërmjet mashtrimit?:

 –         Ndrea Prendi,  ish-Komandant i Përgjithshëm në Gardën e Republikës

–         Artan Hoxha,   ish-Komandant i Përgjithshëm në Gardën e Republikës

–         Vojsi Bendaj,   Specialistin për Gadishmëri në Njësi dhe Përgjegjës për Pikat Autonome

–         Shqipe Spahiu, ish-shefe e Sektorit të Burimeve Njerëzore në Gardën e Republikës





Lajmet e fundit nga