web counter
LEXO PA REKLAMA!

SHKARKO APP

App Store
Google Play

E fundit!

x

Vjedhja e Bankës, Fullani për 4 vite nuk kreu asnjë kontroll

25 Korrik 2014, 11:13, Aktualitet CNA

Për katër vite me radhë në thesarin e Bankës së Shqipërisë janë vjedhur miliona dollarë dhe për po kaq vite nuk është zbuluar asgjë, raporton Panorama.

Fakti që vetëm para disa ditësh u zbuluan arka e kasaforta të boshatisura, ku mungonin 6 milionë dollarë, tregon se për 4 vite aty nuk është bërë asnjë lloj verifikimi.

Në institucionin ku ruhen paratë e të gjithë shqiptarëve, nga ku furnizohen të gjitha bankat e nivelit të dytë e ku supozohet që siguria është maksimale, rezultoi që vetëm siguri nuk ka.

E vetmja bankë e nivelit të parë, Banka e Shqipërisë, nuk kishte kryer gjatë këtyre viteve qoftë edhe një verifikim procesverbalesh për paratë që asgjësohen, apo për të rejat që hyjnë në qarkullim.

Ngjarja merr përmasat e një skandali edhe më të madh pasi zbulohet se personi që ka boshatisur thesarin është njeriu që punonte aty prej 21 vitesh dhe hidhte firmën për çdo arkë me para.

Pa shqetësimin më të vogël, përgjegjësi i zyrës së stokut të thesarit, Ardian Bitraj, që prej vitit 2011 ka futur në xhepa miliona dollarë pa u vënë re nga askush.

Derisa mëngjesin e së hënës, një audit i drejtuar nga zv.guvernatori i Bankës së Shqipërisë zbuloi ngjarjen më të rëndë të ndodhur në historinë e këtij institucioni.

Për të fshehur përmasat e ngjarjes, ndoshta për të hequr edhe përgjegjësinë nga vetja, Banka Qendrore e mbajti sekret për disa ditë rresht atë që kishte ndodhur.

Madje edhe në kallëzimin që u detyrua të bënte në Prokurori, shkresën e cilësoi si informacion super të klasifikuar, në mënyrë që asgjë të mos merrej vesh.





Lajmet e fundit nga