web counter
LEXO PA REKLAMA!

SHKARKO APP

App Store
Google Play

Ukraina i beson “Starlink” të Musk, por kërkon edhe ofrues të tjerë

3 Nëntor 2022, 15:39, Tech CNA
Ukraina i beson “Starlink” të Musk, por kërkon edhe ofrues
Elon Musk, pronari i Twitter

Ukraina i beson Elon Musk për të vazhduar ofrimin e aksesit në internet përmes sistemit satelitor Starlink të kompanisë së tij raketore SpaceX, pavarësisht një lëkundjeje muajin e kaluar, por po kërkon gjithashtu ofrues shtesë, tha të enjten një nga zëvendëskryeministrat e saj.

Mykhailo Fedorov, në Portugali për konferencën më të madhe të teknologjisë në Europë, Samitin e Uebit të Lisbonës, tha se Ukraina kishte drejtpërdrejt me Musk dhe ishte i bindur se shefi i Tesla dhe "Twitter" nuk do ta mbyllnin shërbimin në Ukrainë.

Starlink "ka punuar, po punon dhe do të punojë patjetër në Ukrainë", tha Federov, i cili drejton ministrinë e transformimit dixhital të Ukrainës, në një konferencë shtypi në përgjigje të një pyetjeje në lidhje me shërbimin nga "Reuters".

SpaceX aktivizoi Starlink mbi Ukrainë pas pushtimit të Rusisë në shkurt dhe që atëherë i ka ofruar Kievit me mijëra terminale, duke i lejuar ukrainasit të lidhen me internetin në vende jashtë mundësive të sistemit vendas të telekomunikacionit. Lidhjet përdoren si nga civilët ashtu edhe nga ushtria e Ukrainës.

Muajin e kaluar Musk shkroi në "Twitter" se SpaceX nuk mund të përballonte më ofrimin e shërbimit në Ukrainë për një kohë të pacaktuar, vetëm për t'u tërhequr dy ditë më vonë dhe tha se do të vazhdonte ta bënte këtë si një shembull i "veprave të mira". Në të njëjtën kohë, disa ukrainas u ankuan për ndërprerje në shërbimin e internetit pranë vijës së frontit, ndërsa Musk gjithashtu zemëroi zyrtarët ukrainas duke promovuar një plan paqeje sipas të cilit Ukraina do t'i jepte një pjesë të territorit Rusisë.

Fedorov tha se sulmet ruse që kishin rrëzuar 40% të infrastrukturës energjetike të Ukrainës në tetor, kishin rritur rëndësinë e mirëmbajtjes së sistemeve të komunikimit.

Fedorov foli në një konferencë të përbashkët shtypi me presidentin e Microsoft Brad Smith, i cili njoftoi rreth 100 milionë dollarë ndihmë teknologjike shtesë për Ukrainën gjatë gjithë vitit 2023.





Lajmet e fundit nga