web counter
LEXO PA REKLAMA!

SHKARKO APP

App Store
Google Play

Pas një sërë kompanish/ Edhe "Mercedes-Benz" largohet nga Rusia

26 Tetor 2022, 16:55, Tech CNA
Pas një sërë kompanish/ Edhe "Mercedes-Benz" largohet
Foto ilustruese

“Mercedes” është bërë kompania e fundit perëndimore që tërhiqet nga Rusia, pas pushtimit të Ukrainës në shkurt.

Kompania me bazë në Gjermani ndaloi prodhimin dhe eksportin në vend në fillim të marsit.

Por tani ajo thotë se do të tërhiqet nga tregu rus dhe do t'i shesë aksionet e filialeve të saj tek një investitor vendas.

Harald Wilhelm, zyrtari kryesor financiar i “Mercedes”, tha se largimi nga Rusia nuk pritet të ketë ndonjë efekt të ri serioz në fitimet e kompanisë.

Shoqata e Bizneseve Evropiane (AEB) tha se 9,558 automjete “Mercedes” u shitën në Rusi nga janari në shtator, 72.8% më pak se një vit më parë.

Vendimi vjen pasi shumë kompani perëndimore u tërhoqën nga Rusia në fillim të vitit, duke përfshirë “Starbucks”, “McDonald's” dhe “Coca-Cola”.

“Nissan” i Japonisë u largua nga Rusia në fillim të këtij muaji, ndërsa më parë kanë ikur edhe “Toyota” dhe “Renault”.

“Nissan” pësoi një humbje prej 700 milion dollarësh (600 milion paund) duke ia dorëzuar biznesin e saj një entiteti shtetëror për një tarifë nominale, që raportohet se ishte më pak se 1 paund.

Firma të tjera makinash, duke përfshirë “Jaguar Land Rover”, “General Motors”, “Aston Martin” dhe “Rolls-Royce”, të gjitha ndaluan dërgesat në vend në muajt e parë të luftës në Ukrainë./ B.A. - CNA.al





Lajmet e fundit nga