web counter
LEXO PA REKLAMA!

SHKARKO APP

App Store
Google Play

“Amazon” befason me veprimin/ Do të mbyllë shërbimin e njohur në dhjetor

25 Gusht 2022, 17:38, Tech CNA
“Amazon” befason me veprimin/ Do të mbyllë shërbimin
Amazon

"Amazon" do të mbyllë "Amazon Care", shërbimin shëndetësor virtual, që krijoi fillimisht për punonjësit e saj.

Mediat ndërkombëtare raportojnë se ky shërbim do të mbyllet deri në fund të këtij viti. Punonjësit e “Amazon Care” u informuan ditën e djeshme për lëvizjen befasuese të kompanisë.

“Amazon” u tha punonjësve se shërbimi po mbyllej, pasi klientët nuk e shihnin atë si të vlefshëm.

"Ky vendim nuk u mor lehtë dhe u bë i qartë vetëm pas shumë muajsh shqyrtimi të kujdesshëm.

Edhe pse anëtarët tanë të regjistruar kanë pëlqyer shumë aspekte të 'Amazon Care', ajo nuk është një ofertë shumë e plotë për klientët e ndërmarrjeve të mëdha që kemi synuar dhe nuk do të funksiononte për një kohë të gjatë", tha nënkryetari i lartë i shëndetësisë i “Amazon”, Neil Lindsay, në një e-mail drejtuar stafit.

Gjithashtu, Lindsay tha se punonjësit e “Amazon Care” mund të transferohen në pozicione të tjera brenda “Amazon”, ndërsa theksoi se kompania do të mbështesë punonjësit që kërkojnë për vende të tjera pune.

Kujtojmë se “Amazon Care” fillimisht u shfaq si një ofertë e kujdesit shëndetësor për punonjësit e “Amazon”, kompani kjo e cila është punëdhënësja e dytë më e madhe private në vend.

Sot, ky shërbim është i disponueshëm për punonjësit e një duzine klientësh të korporatave, duke përfshirë “Silicon Labs”, “Precor”, “Whole Foods” në pronësi të “Amazon” dhe “Hilton”. Ky shërbim duket se nga dhjetori nuk do të ofrohet më për klientët./ B.A. - CNA.al





Lajmet e fundit nga