web counter
LEXO PA REKLAMA!

SHKARKO APP

App Store
Google Play

E fundit!

x

Zhgënjim për Briken Caljen në Europian, kampioni shqiptar dështon në stilin e shkëputjes

18 Prill 2023, 19:19, Sport CNA

Briken Calja nuk ia ka dalë të sigurojë medalje dhe as pozicionim në renditje në Europianin e Peshëngritjes që po zhvillohet në Jerevan të Armenisë, sa i përket stilit të shkëputjes që ka qenë zakonisht pika e fortë e tij.

Peshëngritësi shqiptar kishte lënë pas dëmtimet dhe udhëtonte drejt këtij aktiviteti me dëshirën për të siguruar medalje të tjera dhe pikë të rëndësishme për pjesëmarrjen në Olimpiadën e vitit 2024 në Paris. Por gjërat në pedanë nuk kanë shkruar siç shpresonte ai.

Calja u ngjit në pedanë fillimisht duke vendosur peshën 151 kilogram, por dështoi që në provën e parë. Ai përsëriti të njëjtën peshë pak minuta më vonë, por nuk ia doli ta realizonte as atë provë.

Tentativa e tretë ishte me peshën 152 kilogram, duke tentuar që të hynte menjëherë në zonën e medaljeve. Por shtangisti shqiptar nuk arriti përsëri të mbante lart shtangën e kështu mbylli këtë disiplinë pa një pozicionim në renditje.





Lajmet e fundit nga