VIDEO/ Bajern i frikshëm, i shënon 2 herë në 3 minuta Barcelonës

13 Shtator 2022, 22:16, Sport CNA

Bajerni i Mynihut pret në shtëpi Barcelonën në sfidën e raundit të dytë në grupin C, ku të dyja skuadrat udhëheqin me tri pikë.

Si Bajerni ashtu dhe Barcelona e kanë nisur shumë mirë sezonin, por bavarezët së fundmi kanë hasur disa probleme në kampionat, ku prej tri javësh nuk kanë arritur të fitojnë. Ajo që bie në sy është dhe rikthimi i Robert Levandovskit në “Allianz Arena” , kësaj radhe si kundërshtarë për tifozët gjerman.

LIVE: BAJERN MYNIH – BARCELONA 2-0

Lukas Hernandez 51′, Sane 54′

54′ GOOOOL BAJERNI 2-0/ Shpërbëhet Barcelona në harkun e 3 minutave. Leroi Sane depërton bukur në mbrojtjen katalanase dhe mposht me lehtësi portierin Ter Shtegen.

Leroy Sane goal for Bayern Munich against Barcelona pic.twitter.com/Wi95eI1h4U

— Live News (@LiveNewsForAll_) September 13, 2022

51′ GOOOL BAJERNI 1-0/ Shpërthen festa në Mynih. Lukas Hernandez kalon në avantazh vendasit. Pas një harkimi nga këndi, mbrojtësi francez i shpëton mbulimit të mbrojtjes dhe shënon me kokë.

50′ Gorecka lëshon një predhë nga distanca, por topiu grushtohet mjaft bukur nga portieri Ter Shtegen.

48′ Buskets ndëshkohet me karton të verdhë për ndërhyrje të gabuar në mesfushë.

46′ Pjesa e dytë starton me një iluzion goli, e majta e Rafinjës nga jashtë zonë shkon ngjitur me shtyllën.

46′ Bajerni kryen zëvendësimin e parë, largohet Sabitzer, në vend të tij Gorecka.

42′ Levandovski fal sërish Bajernin, sulmuesi polak vonohet më shumë seç duhet brenda zonës duke i dhënë mundësi Mazrauit të ndërhyjë për të larguar topin.

40′ Tomas Myler dhe Mane nuk merren vesh mes tyre, duke sfumuar një mundësi të artë brenda zonës.

35′ Bajerni provon të marrë frenat e lojës në dorë, por katalanasit mbrohen mirë në këto minuta.

30′ Tjetër mundësi e shkëlqyer, kësaj here ishte Sabitzer që provoi me një gjuajtje në hyrje të zonës, por tentativa e tij shkoi ngjitur me shtyllën.

28′ Kundërpërgjigjet e Bajerni me Mazrauin, por gjuajtja e tij ndalet nga portieri Ter Shtegen.

26′ Sinjal i rrezikshëm në portën e Bajernit, provon edhe Rafinja me të majtën, topi shkon ngjitur me shtyllën.

21′ Zëvendësim i detyruar te Bajerni, largohet nga fusha Pavard i dëmtuar, vendin e tij e merr Mazraui.

20′ Tjetër shans i mirë për Robert Levandovski, gjuajtja e sulmuesit me kokë shumë pranë vijës fatale u ndal nga Nojer. I pafat polaku në këto minuta.

19′ Sabitzer është i ndëshkuari i parë i sfidës me karton të verdhë.

18′ E pabesueshme çfarë humbet Robert Levandovski i vetëm përballë Nojerit. Nuk i beson syve polaku. Shpëton për mrekulli Bajerni.

14′ Manuel Nojer për pak sa nuk i dhuron një gol Levendovskit, vendimtare ndërhyrja e Upamekanos, që largon rrezikun në këndore.

9′ Manuel Nojer i mohon një gol të sigurt Barçës. Gardiani i Bajernit ndal mjeshtërisht një gjuajtje të Pedrit brenda zonës.

6′ Musiala tenton të krijojë një sulm të rrezikshëm, por talenti i Bajernit në fund ngatërrohet me këmbët e tij, duke bërë që aksioni të sfumojë.

3′ Vendasit e Nagelsman, shfaqen më kërkues në këto minuta të para, duke ushtruar presion të vazhdueshëm në gjysmëfushën katalanase.

1′ Starton supersfida në Mynih!