web counter
LEXO PA REKLAMA!

SHKARKO APP

App Store
Google Play

E fundit!

x

Gjashtë shqiptarë, pjesë e kombëtares së Maqedonisë për ndeshjet e Nations League

13 Shtator 2022, 18:46, Sport CNA

 Trajneri i kombëtares së Maqedonisë së Veriut, Bllagoja Milevski, ka publikuar listën e futbollistëve për dy ndeshjet e fundit kundër Gjeorgjisë (23 shtator) dhe Bullgarisë (26 shtator), pjesëmarrës të grupit 4 në Ligën C të Nations League.

Ndeshjen e parë të shtatorit, Maqedonia e Veriut do ta luajë në transfertë në Tbilisi të Gjeorgjisë, ndërsa ndeshja kundër Bullgarisë është caktuar të zhvillohet në stadiumin “Todor Proeski” në Shkup.

Në grupin e 27 futbollistëve të ftuar nga trajneri Milevski në kombëtaren e Maqedonisë janë edhe gjashtë lojtarë shqiptarë: Visar Musliu (Inglostat, Gjermani), Ezgjan Alioski (Fenerbahçe, Turqi), Enis Bardhi (Trabzonspor, Turqi), Valon Etemi (Istanbulspor, Turqi), Arijan Ademi (Dinamo Zagreb, Kroaci) dhe emri më i ri është Agon Elezi (Varazhdin, Kroaci).

Në grupin 4 të Ligës C në Nations League, kombëtarja e Maqedonisë është në vendin e dytë me shtatë pikë nga katër ndeshje. Gjeorgjia është kryesuese me dhjetë pikë. Bullgaria është e treta me tre dhe Gjibraltari ka një pikë nga katër ndeshje të deritanishme.





Lajmet e fundit nga