web counter
LEXO PA REKLAMA!

SHKARKO APP

App Store
Google Play

E fundit!

x

E ardhmja e Mavraj pas futbollit të luajtur? Ish-kapiteni i Kombëtares nis kursin për Drejtor Sportiv

13 Shtator 2022, 19:02, Sport CNA

Ish-kapiteni i Kombëtares së Shqipërisë, Mërgim Mavraj ka nisur një kurs për të ardhmen e tij që e sheh jashtë fushës së blertë. Mavraj ka nisur kursin për Drejtor Sportiv në FSHF ku ka dhënë edhe përshtypjet e tij për këtë eksperiencë të re.

“Është një ndjesi shumë e mirë që më mundësohet mua si ish-futbollist i Kombëtares të bëj hapin e radhës në botën e futbollit, të më jepet mundësia të krijoj një bazë elementare në mënyrë administrative në të ardhmen. Është një diplomë shumë e vlefshme, pasi është shumë e rëndësishme të kuptosh se çfarë ndodh jashtë fushës së blertë, në pjesën organizative të një ndeshjeje.

Nuk është diploma e parë që marr, kam përfunduar edhe kursin për licencën e trajnerit UEFA B dhe kam punuar me lektorët e shkëlqyer të FSHF-së, që janë shumë të përgatitur, qoftë për kursin e UEFA B apo edhe tani me kursin e Drejtorit Sportiv.

Është një qasje shumë pozitive, tani organizimi i kurseve në godinën e re të FSHF-së me këtë infrastrukturë është diçka tejet pozitive dhe besoj se tani është detyra jonë të marrim sa më shumë njohuri të vlefshme. E dimë të gjithë që diploma është një kusht për t’u futur në botën e futbollit si menaxher pasi ke qenë edhe futbollist”, – tha Mërgim Mavraj për Fshf.org.





Lajmet e fundit nga