web counter
LEXO PA REKLAMA!

SHKARKO APP

App Store
Google Play

E fundit!

x

United tundon Kvaratskhelia-n, ofertë “të frikshme” për gjeorgjianin e Napoli-t

26 Nëntor 2024, 14:32, Sport CNA
United tundon Kvaratskhelia-n, ofertë “të frikshme”
Khvicha Kvaratskhelia

Khvicha Kvaratskhelia është një nga emrat më të diskutuar në merkatot e fundit, ndërsa edhe në janar sulmuesi i Napoli-t pritet të kthehet në temë.

Trajneri i ri i Manchester United, Ruben Amorim, është në kërkim të një sulmuesi dhe gjeorgjiani është i pari në listën e dëshirave të tij.

Mediet britanike raportojnë këtë të martë se tek United janë gati të tundojnë Kvaratskhelia-n me një kontratë pesëvjeçare, nga e cila lojtari do të përfitojë një pagë prej 8 milionë paund neto në sezon plus një milionë në bonuse.

Një ofertë që është thuajse e njëjtë, sa shifra që në verë, 23-vjeçarit iu propozua nga Paris Saint-Germain, me francezët që ishin të gatshëm t’i jepnin sulmuesit 10 milionë në sezon.

Ndërkohë, te Napoli duan që të rinovojnë me gjeorgjianin, por ende nuk ka asnjë marrëveshje mes palëve.

Napoli i ka propozuar rinovimin me një pagë plus bonuse që shkojnë në total 6 milionë në sezon dhe nuk ka ndërmend të shkojë përtej këtij pragu.

Mbetet për t’u parë, nëse Khvicha Kvaratskhelia do të zgjedhë të zgjasë qëndrimin te Napoli, klub me të cilin ka kontratë deri në verën e 2027-ës apo nëse do të vendosë të ndryshojë ambient./CNA  

 

 





Lajmet e fundit nga