web counter
LEXO PA REKLAMA!

SHKARKO APP

App Store
Google Play

E fundit!

x

Interi synon fitoren e radhës në Champions, Inzaghi: Leipzig, ekip cilësor dhe shumë i fortë

25 Nëntor 2024, 19:50, Sport CNA

Interi synon fitoren e radhës në Champions, Inzaghi: Leipzig, ekip

Interi është një nga skuadrat më në formë në Ligën e Kampioneve. Zikaltërit numërojnë tre fitore dhe një barazim në katër ndeshjet e para, duke u rënditur mes më të mirëve.

Në raundin e pestë, Interi përballet me gjermanët e Leipzig, në një përballje që pritet të dhurojë spektakël, për shkak të lojës së hapur që bëjnë.

Në konferencën para ndeshjes, trajneri i Interit, Simone Inzaghi, vlerësoi maksimalisht kundërshtarin, duke thënë se renditja nuk pasqyron cilësitë që kanë si ekip.

“Leipzig është një ekip cilësor. Në katër ndeshjet që kanë luajtur në Champions, kanë merituar më shumë. Kanë lojtarë të shkëlqyer dhe renditja nuk pasqyron mënyrën si ata luajnë. Ne e dimë se përballë kemi një ekip shumë të fortë. Leipzig ka gjashtë vite në Champions, në Bundesligë janë ndër mbrojtjet më të mira. Ata janë një ekip cilësor, në katër ndeshjet e Champions-it që kanë luajtur kanë merituar më shumë.

Duhet të punojmë gjithnjë e më shumë, sidomos në momente pozitive për të përmirësuar veten edhe më shumë. Mundohemi të shohim se ku mund të bëjmë më mirë. Dëshira e të gjithëve është që t’i shkojmë këtij kompeticioni deri në fund. Ne kemi luajtur katër ndeshje të shkëlqyera, por kemi edhe katër të tjera, në të cilat synojmë të marrim sa më shumë pikë”, deklaroi Inzaghi.

Ndeshja mes Interit dhe Leipzig, do të luhet mbrëmjen e kësaj të marte, duke nisur nga ora 21:00.





Lajmet e fundit nga