E fundit!

13:02 Aktualitet

Nesër provimi i Gjuhës Shqipe dhe Letërsisë/ Mirela Kumbaro paralajmëron maturantët

Ministrja e Arsimit Mirela Kumbaro, bëri të ditur se janë ...

Tirana-Partizani, Apeli merr vendimin për tifozët

25 Nëntor 2024, 16:35, Sport CNA

Komisioni i Apelit në Federatën Shqiptare të Futbollit, ka pranuar ankesën e Tiranës, për të hequr dënimin, ku klubi bardheblu urdhërohej të luante ndeshjet deri në fund të sezonit pa tifozë.

Në vendimin e Apelit, thuhet se dënimi për tifozët është hequr dhe Tiranës do i kthehen mbështetësit nga ndeshja e radhës me Partizanin në derbi.

Kujtojmë se kryeqytetasit u dënuan, pas ngjarjeve të ndodhura në sfidën me Vllazninë, ku tifozët dëmtuan tre lojtarë të shkodranëve me hedhjen e sendeve në fushë.

VENDIMI:

Me vendimin nr.13, pika 1 datë 01.11.2024 Komisioni i Disiplinës dhe Etikës ka vendosur të marrë kundrejt KF Tirana, masat disiplinore si më poshtë vijon:

KF Tirana, për sjellje të gabuar të spektatorëve, duke hedhur sende në fushën e lojës dhe duke mos garantuar sigurinë e lojtarëve të ekipit mik, në bazë të neneve 6/3/b, 8/1, 17/1, 17/2/b, 17/2/c dhe 17/2/h të KDE, dënohet me gjobë në masën 300.000 (treqind mijë) lekë dhe zhvillimin pjesës së mbetur të ndeshjeve të sezonit futbollistik 2024-2025 pa spektatorë.

Më datë 09.11.2024 KF Tirana, ka paraqitur ankim me objekt:

Rrëzimin e Vendimit13, pika 1 datë 01.11.2024 të Komisionit të Disiplinës dhe Etikës.
Komisioni i Apelit të Disiplinës dhe Etikës pasi u njoh me relacionin e Sekretariatit Teknik, dogjoi përfaqësuesit e Klubit të Futbollit Tirana, shqyrtoi dokumentacionin e paraqitur dhe diskutoi çështjen në tërësi si dhe duke u bazuar në nenet 65 e vijues të Kodit të Disiplinës dhe Etikës,

VENDOSI:

Lënien në fuqi të masës së dënimit me gjobë në masën 300.000 (treqind mijë) lekë.
Ndryshimin e pjesës tjetër të vendimit duke vendosur:
Dënimin e Klubit të Futbollit Tirana për zhvillimin e të 8 (tetë) ndeshjeve pa spektatorë.
Pezullimin e pjesës së mbetur të dënimit prej 5 (pesë) ndeshjesh.
Pezullimi i dënimit revokohet nëse gjatë periudhës së provës KF Tirana kryen një shkelje tjetër të natyrës dhe rëndësisë së ngjashme.
Periudha e provës do të jetë deri në përfundim të sezonit futbollistik 2024-2025.
Kundër këtij vendimi lejohet ankim në Gjykatën e Arbitrazhit Sportiv (CAS/TAS) Lozanë Zvicër.