web counter
LEXO PA REKLAMA!

SHKARKO APP

App Store
Google Play

E fundit!

x

Sulmoi Shqipërinë dhe shtetet e tjera për “Topin e Artë”, gazetari-Perez-it: A të dukemi njerëz inferiorë?

26 Nëntor 2024, 11:55, Sport CNA
Sulmoi Shqipërinë dhe shtetet e tjera për “Topin e
Florentino Perez

Presidenti i Real Madrid-it, Florentino Perez, shkaktoi diskutime të mëdha me deklaratat e tij në lidhje me “Topin e Artë” 2024.

Në një dalje të bërë ditët e fundit në medie, Perez akuzoi disa vende përfshirë edhe Shqipërinë, për faktin që nuk votuan për Vinicius Junior, që të fitonte “Topin e Artë”.

“Ka gazetarë që askush nuk i njeh dhe që votuan këtë vit. Pa votat e gazetarëve nga këto vende si Shqipëria, Uganda, Namibia dhe Finlanda, Vinicius Jr. do të kishte fituar 'Topin e Artë'. Duhet të pyesni organizatorët e 'Topit të Artë' për kriteret, por është e qartë se ata mund të bëjnë çfarë të duan pa asnjë kosto”, -deklaronte kreu i “Los Blancos”.

Fjalë këto që sollën edhe reagimin e parë, kundër Florentino Perez-it.

Gazetari që votoi për Namibinë në “Topin e Artë”, Sheefeni Nicodemus, u shpreh në një intervistë për median spanjolle “Cadena SER”, se Perez nuk duhet t’i konsiderojë si njerëz inferiorë.

“Në thelb dyshoj se këto janë fjalët e dikujt që është i frustruar. Z. Perez mendon se njerëzit e vendit tim dhe të vendeve të tjera të përmendura nuk kanë një votë kuptimplotë sepse ne jemi njerëz inferiorë. Unë thjesht do të doja të dija nëse unë do të isha në nga kombet kryesore të futbollit dhe nuk do të isha dakord me mendimin e tij, cili do të ishte argumenti i tij?”,-përfundoi gazetari namibian.

“Topi i Artë” 2024 iu dha Rodrit dhe ky fakt nuk i pëlqeu aspak klubit të Real Madrid-it, që e quajti të padrejtë këtë vendim./CNA

Sulmoi Shqipërinë dhe shtetet e tjera për “Topin e





Lajmet e fundit nga