web counter
LEXO PA REKLAMA!

SHKARKO APP

App Store
Google Play

Mbyllet java e 13-të e Serie A, si pozicionohen skuadrat?

26 Nëntor 2024, 08:47, Sport CNA
Mbyllet java e 13-të e Serie A, si pozicionohen skuadrat?
Lecce

Mbrëmjen e së hënës u mbyll java e 13-të e Serisë A, me sfidën Venezia-Lecce që uli siparin e këtij raundi.

Sfida e luajtur në stadiumin “Pierluigi Penzo” u dominua nga vendasit, por në fund ishin miqtë ata që festuan.

Fraksioni i parë u mbyll me porta të paprekura, pavarësisht rasteve të shumta nga ana e Venezia-s.

U desh minuta e 70’ e lojës që Dorgu të gjente rrugën drejt rrjetës dhe t’i jepte avantazhin, por njëkohësisht edhe triumfin ekipit të Lecce-s.

Venezia nga ana tjetër tentoi që të gjente barazimin, por rezultoi e pafat me ndeshjen që u mbyll me rezultatin 0-1.

Pas këtij takimi, Venezia renditet në vend të fundit me tetë pikë, teksa Lecce në vend të 15-të me 12-të pikë.

Në sfidën tjetër që u luajt të hënën, Empoli u nda me barazimin 1-1 me Udinese-n, në një takim ku miqtë u shfaqën më kërkues.

Ishte Pellegri ai që zhbllokoi rezultatin me golin e minutës së 23’ dhe kaloi vendasit në avantazh, ndërsa në minutën e 76’ Davis barazoi për Udinese-n.

Në fund ky takim u mbyll në paqe, ndërsa vlen të theksohet se mbrojtësi i kombëtares shqiptare të futbollit, Ardian Ismajli u shfaq në superformë.

Pas javës së 13-të të Serie A, Empoli renditet në vend të 10-të me 16 pikë, teksa Udinese në vend të nëntë me 17 pikë.

Sa i përket renditjes së Serie A pas kësaj jave, kreun e mban Napoli me 29 pikë, më pas renditen Atalanta, Inter, Fiorentina dhe Lazio me nga 28 pikë, Juventus pozicionohet në vend të gjashtë me 25 pikë, teksa Milan një vend më poshtë me 19 pikë.

Ndërkohë, në anën tjetër të tabelës së renditjes, në tre pozicionet që bien nga kategoria janë Como, Monza dhe Venezia, respektivisht në vendet 18-të, 19-të dhe 20-të./CNA

Mbyllet java e 13-të e Serie A, si pozicionohen skuadrat?
Renditja Serie A




Lajmet e fundit nga