web counter
LEXO PA REKLAMA!

SHKARKO APP

App Store
Google Play

E fundit!

x

Sulmuesi i Shqipërisë shkëlqen, por ndëshkohet si kurrë më parë

22 Prill 2025, 19:43, Sport CNA

Sulmuesi i Shqipërisë shkëlqen, por ndëshkohet si kurrë

Mirlind Daku po kalon një sezon tejet pozitiv në Premier Ligën e Rusisë, ku është shfaqur si një nga sulmuesit me efikasë të kampionatit.

Me 11 gola dhe 8 asistime në 22 ndeshje me fanellën e Rubin Kazanit, sulmuesi i kombëtares shqiptare ka konfirmuar aftësitë e tij si një lojtar vendimtar në repartin ofensiv. Performanca e tij është vlerësuar jo vetëm nga statistikat, por edhe nga ndikimi në rezultatet e skuadrës.

Megjithatë, pavarësisht formës sportive pozitive, pozicioni i Dakut në futbollin rus shoqërohet me disa sfida jashtë fushës së lojës.

Sipas raportimeve të mediave vendase, disa klube të rëndësishme si Zeniti dhe Spartaku kanë hequr dorë nga ideja për të transferuar Dakun, duke e konsideruar një lëvizje “politikisht të papërshtatshme”.

Arsyeja lidhet me origjinën e tij nga Kosova, në kontekstin e marrëdhënieve politike mes Rusisë dhe Serbisë, si dhe qëndrimit zyrtar të Shqipërisë ndaj konfliktit në Ukrainë. Këto faktorë duket se kanë ndikuar në perceptimin e Dakut si një figurë e ndjeshme për opinionin publik dhe vendimmarrësit sportivë në Rusi.

Përtej dimensionit politik, zhvillime të fundit në fushën e lojës kanë rritur vëmendjen ndaj Dakut. Gjatë periudhës nga 10 marsi deri më 20 prill, sulmuesi ka marrë dy kartonë të kuq, një statistikë e pazakontë në karrierën e tij.

Në mbi 250 ndeshje të zhvilluara në kampionatet e Kosovës, Kroacisë dhe Rusisë, ai nuk kishte pësuar ndëshkime të tilla, duke u dalluar për një disiplinë të qëndrueshme në fushë.

Dy përjashtimet e fundit kanë ardhur pas dy të verdhëve të njëpasnjëshme në ndeshje ndaj Spartakut dhe Dinamos, përkatësisht në Kazan dhe Moskë.





Lajmet e fundit nga