web counter
LEXO PA REKLAMA!

SHKARKO APP

App Store
Google Play

E fundit!

x

Tuchel, gati për aventurën e re. Projektohet te skuadra e Premier League

24 Prill 2024, 12:15, Sport CNA

Tuchel, gati për aventurën e re. Projektohet te skuadra e Premier

Thomas Tuchel do të largohet nga drejtimi i Bayern Munich në fund të sezonit, por gjermani nuk pritet të qëndrojë shumë gjatë pushim.

50-vjeçari, pritet të rikthehet të drejtojë në Premier League. Mediat në Angli dhe Gjermani, bëjnë me dije se në ditët e fundit ka pasur bisedime mes trajnerit Tuchel dhe drejtuesve të Manchester United.

“Djajtë” do të largojnë në verë teknikun aktual Erik Ten Hag dhe kanë nisur nga puna për të gjetur zëvendësuesin.

Tuchel është i pari në listë dhe shihet si zgjedhja e duhur, për të rikthyer United te suksesi dhe të fitimi i trofeve.

Gjermani e njeh shumë mirë Premier League-n, pasi drejtoi për 18 muaj skuadrën e Chelsea, me të cilin fitoi edhe Ligën e Kampioneve. Manchester United, po përgatit një revolucion në merkaton e verë dhe gjithçka do të fillojë nga stoli. Tuchel shihet si i duhuri për këtë pozicion dhe pritet të ketë ndikim të rëndësishëm edhe në merkaton e verës. United, njihet si një nga klubet që nuk kursehet sa i përket investimeve në merkato dhe të njëjtën gjë pritet të bëjnë edhe këtë herë.

Vetë Tuchel do të jetë i lirë në verë, pasi ka njoftuar largimin nga Bayern Munich, me të cilët dështoi në kampionat dhe Kupë. Megjithatë, ai është në garë në gjysmëfinalen e Ligës së Kampioneve, aty ku synohet me çdo kusht fitimi i trofeut.

Në karrierën e tij si trajner, Tuchel ka drejtuar disa nga skuadrat më të njohura në Europë, si Borussia Dortmund, Paris Saint Germain dhe Mainz.

Te Manchester United, nuk do të jetë një punë e lehtë për teknikun e njohur, për shkak se tifozët kërkojnë trofe dhe presioni do të jetë i madh, ashtu siç ndodhi edhe te Bayern Munich. Aktualisht skuadra angleze, me Ten Hag në stol, mban vendin e shtatë në renditje me 50 pikë të grumbulluara.





Lajmet e fundit nga