web counter
LEXO PA REKLAMA!

SHKARKO APP

App Store
Google Play

E fundit!

x

Do të largohet nga Sassuolo, Bajrami drejt skuadrës që merr pjesë në Champions

24 Prill 2024, 12:13, Sport CNA

Do të largohet nga Sassuolo, Bajrami drejt skuadrës që merr

Nedim Bajrami mund të luajë në Ligën e Kampioneve, duke filluar nga sezoni i ardhshëm. Fantazisti i Shqipërisë, po has vështirësi të mëdha te Sassuolo këtë sezon, aty ku minutat i ka pasur të pakta, për të treguar vlerat e tij.

Në verë lojtari do të ndryshojë skuadër, por pritet të qëndrojë në Serie A. Mediat italiane, raportojnë se në gjurmët e Bajramit, është vënë skuadra e Bologna-s.

Ekipi i Thiago Motta-s, do të marrë pjesë në Ligën e Kampioneve në sezonin e ardhshëm dhe drejtuesit kanë nisur nga puna për përforcimet në merkaton e verës.

I pari në listë është Bajrami, pasi skuadra ka nevojë për një fantazist. 25-vjeçari i ka të gjitha cilësitë që kërkojnë te Bologna dhe për këtë arsye, Motta dëshiron ta ketë në skuadër. Në ditët e ardhshme, pritet të nisin bisedimet mes palëve, me shpresën se do të arrihet një marëveshje.

Bajrami është nën kontratë me Sassuolo-n deri më 30 Qershor të vitit 2027, që për ta marrë nga Empoli në Janar të 2023 shpenzuan 6 milionë Euro. Këtë sezon shqiptari ka shënuar 2 gola dhe ka dhënë 2 asiste në Serie A, por pa arritur të ndihmojë më shumë Sassuolo-n, që ndodhet në zonën e rënies nga kategoria.





Lajmet e fundit nga